സ്‌കൂട്ടർ മതിലില്‍ ഇടിച്ച് പത്താംക്ലാസ് വിദ്യാര്‍ഥിനി മരിച്ചു; അപകടം ട്യൂഷനു പോകുമ്പോൾ

ലഖ്നോ: നിരോധിച്ച 500, 1000 രൂപ നോട്ടുകൾ മാറ്റിനൽകുന്ന സംഘത്തിലെ നാലുപേർ കൂടി യുപി പോലീസിന്റെ പിടിയിലായി. 3.85 കോടിയുടെ പഴയ കറൻസികളാണ് ഇവരിൽ നിന്നു പിടിച്ചെടുത്തത്. സംഘത്തിൽപെട്ട നാലുപേരെ നേരത്തെ അറസ്റ്റു ചെയ്തിരുന്നു. ഷാരിഖ് (36), ഫക്രുദ്ദീൻ (28), അഭിനവ് (27), നസിറുദ്ദീൻ (22) എന്നിവരെയാണ് കഴിഞ്ഞ ദിവസം അറസ്റ്റു ചെയ്തത്. മറ്റുള്ള 4 പേരെ ഒക്ടോബർ 30നാണ് അറസ്റ്റു ചെയ്തത്.[www.malabarflash.com]

പഴയ നോട്ടുകൾ വാങ്ങി പുതിയത് നൽകുന്ന വൻ സംഘം പ്രവർത്തിക്കുന്നതായി പിടിയിലായവർ പോലീസിനോട് വെളിപ്പെടുത്തി. അറസ്റ്റിലായവർ 25 ശതമാനം കമ്മിഷനിൽ പഴയ നോട്ടുകൾ ഈ റാക്കറ്റിനു കൈമാറുന്നവരാണ്. സംഭവത്തിൽ വിശദമായ അന്വേഷണം നടത്തുകയാണെന്ന് പോലീസ് പറഞ്ഞു.

ബ്ലാക്ക് മാർക്കറ്റിൽ അനധികൃത വ്യാപാരത്തിന് ഇപ്പോഴും നിരോധിത നോട്ടുകൾ ഉപയോഗിക്കുന്നതായാണ് സംശയം. അതിർത്തി രാജ്യങ്ങളിലും ഇവ ഉപയോഗിക്കുന്നുണ്ടത്രെ. എപ്പോഴെങ്കിലും മാറ്റിയെടുക്കാൻ വീണ്ടും അവസരം ലഭിക്കുമെന്നു കരുതി കുറഞ്ഞ വിലയ്ക്ക് ഇവ വാങ്ങി ശേഖരിക്കുന്നവരുമുണ്ട്.