പാർഥസാരഥി ക്ഷേത്രോത്സവം: മാതൃസമിതി കൂട്ടായ്മ പച്ചക്കറി കൃഷിക്ക് വിത്തിട്ടു

പാലക്കുന്ന്: തിരുവക്കോളി തിരൂർ പാർഥസാരഥി ക്ഷേത്രത്തിലെ വാർഷിക ഉത്സവത്തിന് സദ്യയൊരുക്കാൻ ആവശ്യമായ വിഷരഹിത പച്ചക്കറി കൃഷിക്ക് തുടക്കമിട്ടു. മാതൃസമിതിയുടെനേതൃത്വത്തിൽ പട്ടത്താനം വയലിൽ മുതിർന്ന കർഷകനായ കുമാരൻ നായരാണ് വിത്തിടൽ ഉദ്ഘാടനം ചെയ്തത്.[www.malabarflash.com]

മാതൃസമിതി ഭാരവാഹികളായ വിജയമ്മ, ബാലമണി ശ്രീധരൻ, സിന്ധു കുമാരൻ, ഗീത എന്നിവരോടൊപ്പം ക്ഷേത്ര ഭരണ സമിതി ഭാരവാഹികളും
നാട്ടുകാരും പങ്കെടുത്തു. കൃഷിക്കാവശ്യമായ വളം കോടോത്ത് കുഞ്ഞികൃഷ്ണൻ നായരാണ് നൽകുന്നത്. 

ഏപ്രിൽ 8,9 തീയതികളിലാണ് ഇവിടെ പ്രതിഷ്ഠാവാർഷിക ഉത്സവം നടക്കുക.