രണ്ട് വിദ്യാര്‍ഥികള്‍ കുളത്തില്‍ മുങ്ങിമരിച്ചു

കോഴിക്കോട്: താമരശേരി പൂനൂരിൽ രണ്ടു കുട്ടികൾ കുളത്തിൽ മുങ്ങിമരിച്ചു. പൂനൂർ കാന്തപുരം അലങ്ങാപ്പൊയിൽ അബ്ദുൽ റസാഖിന്റെ മകൻ മുഹമ്മദ് ഫർസാൻ (9), മുഹമ്മദ് സാലിയുടെ മകൻ മുഹമ്മദ് അബൂബക്കർ (8) എന്നിവരാണു മരിച്ചത്. വീട്ടിൽനിന്നും 100 മീറ്ററോളം അകലെയുള്ള കുളത്തിലാണ് ഇരുവരും മുങ്ങിമരിച്ചത്.[www.malabarflash.com]

വൈകിട്ട് നാലു മണിയോടെ കാണാതായ കുട്ടികളെ ഏഴുമണിയോടെ തിരച്ചിലിനിടെയാണു കുളത്തിൽ കണ്ടെത്തിയത്. മൃതദേഹങ്ങൾ പൂനൂരിലെ സ്വകാര്യ ആശുപത്രിയിൽ  പോലീസ് നടപടികൾക്കു ശേഷം മെഡിക്കൽ കോളജ് ആശുപത്രിയിലേക്കു മാറ്റി.