കോതമംഗലം: ബൈക്ക് മോഷ്ടിച്ച് പൊളിച്ചുവിറ്റ മൂന്നുപേർ പോലീസ് പിടിയിൽ. നെല്ലിക്കുഴി ചാത്തനാട്ട് വീട്ടിൽ റഫീസ് (24), ഇരമല്ലൂർ കൊട്ടാരത്തിൽ വീട്ടിൽ ആഷിക് (26), ഓടക്കാലി കുറ്റിച്ചിറ വീട്ടിൽ ഫൈസൽ (25) എന്നിവരാണ് പിടിയിലായത്.[www.malabarflash.com]
നെല്ലിക്കുഴിയിലെ തടിമില്ലിൽവെച്ചിരുന്ന ബൈക്ക് മൂവർസംഘം മറ്റൊരു ബൈക്കിൽ കെട്ടിവലിച്ച് കൊണ്ടുപോവുകയും തുടർന്ന് വാഹനം പൊളിച്ച് കുറച്ചുഭാഗം തങ്കളത്തുള്ള ആക്രിക്കടയിൽ വിൽപന നടത്തുകയായിരുന്നു. ബാക്കിഭാഗം പ്രതികളുടെ വീട്ടിൽനിന്നും പാറമടയിൽനിന്നും പോലീസ് കണ്ടെടുത്തു.
കോതമംഗലം സ്റ്റേഷനിലെ സബ് ഇൻസ്പെക്ടർ അനൂപ് മോൻ, സി.പി.ഒ ഷിയാസ് എന്നിവർ ഉൾപ്പെട്ട സംഘമാണ് പ്രതികളെ പിടികൂടിയത്. കോടതിയിൽ ഹാജരാക്കി റിമാൻഡ് ചെയ്തു.
0 Comments