തിരുവനന്തപുരം: വരുംദിവസങ്ങളില് സംസ്ഥാനത്ത് കനത്ത മഴ ഉണ്ടാകുമെന്ന മുന്നറിയിപ്പിന്റെ അടിസ്ഥാനത്തില് സംസ്ഥാന പോലീസ് മേധാവി അനില് കാന്ത് എല്ലാ ജില്ലാ പോലീസ് മേധാവിമാര്ക്കും ജാഗ്രതാനിര്ദ്ദേശം നല്കി. അടിയന്തര സാഹചര്യം നേരിടുന്നതിനായി എല്ലാ ജില്ലയിലും കണ്ട്രോള് റൂം ആരംഭിക്കാനും നിര്ദേശിച്ചിട്ടുണ്ട്.[www.malabarflash.com]
അടിയന്തര സാഹചര്യം നേരിടാന് തയ്യാറായിരിക്കാന് എല്ലാ പോലീസ് സ്റ്റേഷനുകളിലെയും ദുരന്തനിവാരണ സംഘങ്ങള്ക്ക് നിര്ദ്ദേശം നല്കി. ജില്ലാ പോലീസ് മേധാവിമാര് ജില്ലാ കളക്ടര്മാരുമായും ജില്ലാതല ദുരന്തനിവാരണ സമിതിയുമായും നിരന്തരം സമ്പര്ക്കം പുലര്ത്തും. ജെ സി ബി, ബോട്ടുകള്, മറ്റു ജീവന്രക്ഷാ ഉപകരണങ്ങള് എന്നിവ തയ്യാറാക്കി വയ്ക്കാന് എല്ലാ പോലീസ് സ്റ്റേഷനുകള്ക്കും നിര്ദ്ദേശം നല്കിയിട്ടുണ്ട്.
തീരപ്രദേശങ്ങളില് സുരക്ഷാ ബോട്ടുകള് ഉള്പ്പെടെയുള്ള സംവിധാനങ്ങള് ഒരുക്കാന് തീരദേശ പോലീസ് സ്റ്റേഷനുകളോട് ആവശ്യപ്പെട്ടിട്ടുണ്ട്. തീരദേശമേഖലയിലെ രക്ഷാപ്രവര്ത്തനങ്ങള് ഏകോപിപ്പിക്കാന് കടലോര ജാഗ്രതാ സമിതിയുടെ സേവനം വിനിയോഗിക്കും.
0 Comments