കാസര്കോട്: കെഎം അഹ്മദിന്റെ പേരില് കാസര്കോട് പ്രസ് ക്ലബ്ബ് ഏര്പ്പെടുത്തിയ അവാര്ഡിന് ചന്ദ്രികയിലെ സ്പെഷ്യല് കറസ്പോണ്ടന്റ് കെപി ജലീല് അര്ഹനായി.[www.malabarflash.com]
മികച്ച എഡിറ്റോറിയലുകളാണ് ഇത്തവണ അവാര്ഡിനായി പരിഗണിച്ചത്. ചന്ദ്രികയില് പ്രസിദ്ധീകരിച്ച ആകുലപ്പെടുത്തേണ്ട കാലാവസ്ഥാ റിപ്പോര്ട്ട്' എന്ന എഡിറ്റോറിയലിനാണ് കെപി ജലീലിനെ അവാര്ഡിന് അര്ഹനാക്കിയത്. 10001 രൂപയും പ്രശസ്തി പത്രവും അടങ്ങിയതാണ് അവാര്ഡ്.
ഫ്രണ്ട് ലൈന് സീനിയര് അസോസിയേറ്റ് എഡിറ്റര് വെങ്കിടേഷ് രാമകൃഷ്ണന്, എസ് രാധാകൃഷ്ണന് (റിട്ട.ഡെപ്യൂട്ടി എഡിറ്റര്,കേരള കൗമുദി), ടി ശശിമോഹന് (റിട്ട.ഡെപ്യൂട്ടി ന്യൂസ് എഡിറ്റര്, മാതൃഭൂമി) എന്നിവരടങ്ങിയ ജൂറിയാണ് അവാര്ഡ് ജേതാവിനെ തിരഞ്ഞെടുത്തത്.
അവാര്ഡ് ഈ മാസം16ന് രാവിലെ 11 മണിക്ക് കാസര്കോട് പ്രസ് ക്ലബ്ബ് ഹാളില് നടക്കുന്ന കെ എം അഹ് മദ് അനുസ്മരണ സമ്മേളനത്തില് മന്ത്രി അഹമ്മദ് ദേവര്കോവില് സമ്മാനിക്കും. ചടങ്ങില് പ്രസ് ക്ലബ്ബ് പ്രസിഡൻ്റ് മുഹമ്മദ് ഹാഷിം അധ്യക്ഷത വഹിക്കും. ഫ്രണ്ട് ലൈന് സീനിയര് അസോസിയേറ്റ് എഡിറ്റര് വെങ്കിടേഷ് രാമകൃഷ്ണന് സ്മാരക പ്രഭാഷണം നടത്തും.
പത്ര പ്രവര്ത്തക യൂണിയന് സംസ്ഥാന സെക്രട്ടറി ഇഎസ് സുഭാഷ് മുഖ്യാതിഥിയായിരിക്കും.ജില്ലാ ഇന്ഫര്മേഷന് ഓഫീസര് എം മധുസൂദനന്, മുജീബ് അഹമ്മദ് എന്നിവര് സംസാരിക്കും. ജില്ലാ ജോ. സെക്രട്ടറി പ്രദീപ് ജിഎന് അവാര്ഡ് ജേതാവിനെ പരിചയപ്പെടുത്തും. സെക്രട്ടറി കെ വി പത്മേഷ് സ്വാഗതവും ട്രഷറര് ഷൈജുപിലാത്തറ നന്ദിയും പറയും.
ചന്ദ്രികയുടെ സ്പെഷല് കറസ്പോണ്ടന്റായ ജലീല് തിരുവനന്തപുരം റസി.എഡിറ്റര് ചുമതല വഹിക്കുകയാണിപ്പോള്. പാലക്കാട് ചിറ്റൂര് ഗവ.കോളജില്നിന്ന് സാമ്പത്തിക ശാസ്ത്രത്തില് ബിരുദത്തിനും ജേണലിസത്തില് പിജി ഡിപ്ലോമക്കും ശേഷം 1992ല് ചന്ദ്രികയില് സബ്എഡിറ്ററായി ചേര്ന്ന ജലീല് കൊച്ചി, കോഴിക്കോട്, മലപ്പുറം, പാലക്കാട് യൂണിറ്റുകളിലും തൃശൂര് ജില്ലാ ബ്യൂറോയിലും റിപ്പോര്ട്ടിംഗിലും ഡെസ്കിലുമായി പ്രവര്ത്തിച്ചിട്ടുണ്ട്.
പാലക്കാട് കിണാശേരി പരപ്പനയില് പരേതനായ പികെ ഖാദറിന്റെയും പാത്തുമുത്തിന്റെയും മകനാണ്. ഭാര്യ: പാലക്കാട് കേരളബാങ്ക് ഹെഡ്ഓഫീസിലെ അക്കൗണ്ടന്റ് സലീന. എംബിബിഎസ് വിദ്യാര്ത്ഥി ജസ്നമോളും ബിഎഎംഎസ് വിദ്യാര്ത്ഥി സജ്നമോളും ഇരട്ടമക്കളാണ്.
ആനുകാലികങ്ങളില് കഥയും കവിതകളും പ്രസിദ്ധീകരിച്ചിട്ടുണ്ട്. 2014ലെ കേരള സര്ക്കാരിന്റെ സ്കൂള് കലോത്സവ റിപ്പോര്ട്ടിംഗ് അവാർഡ്, ഗള്ഫ് കുടിയേറ്റക്കാരുടെ പ്രശ്നങ്ങളുടെ പരമ്പരക്ക് സീതിതങ്ങള് -ദുബൈ കെഎംസിസി അവാര്ഡ് എന്നിവ നേടിയിട്ടുണ്ട്.
0 Comments