തിരുവനന്തപുരം: ചാരവൃത്തിക്കും കള്ളക്കടത്തിനും മാത്രമല്ല, ദേശവിരുദ്ധ പ്രവർത്തനങ്ങൾക്കും ഡ്രോണുകൾ വ്യാപകമായി ഉപയോഗിക്കുന്നത് കടുത്ത വെല്ലുവിളിയാണെന്ന് മുഖ്യമന്ത്രി പിണറായി വിജയൻ. തിരുവനന്തപുരത്ത് ആരംഭിച്ച പോലീസ് ഡ്രോൺ ഫോറൻസിക് ലാബിന്റെയും ഗവേഷണ കേന്ദ്രത്തിന്റെയും ഉദ്ഘാടനം നിർവഹിക്കുകയായിരുന്നു അദ്ദേഹം.[www.malabarflash.com]
സൈബർഡോമിന് കീഴിലുള്ള ഈ സംവിധാനം വിവിധതരംഡ്രോണുകളും അവയുടെ അവശിഷ്ടങ്ങളും വിലയിരുത്തി പശ്ചാത്തലവിവരങ്ങൾ ശേഖരിക്കാൻ സഹായിക്കും. ഡ്രോണിെൻറ മെമ്മറി, സോഫ്റ്റ്വെയർ, ഹാർഡ്വെയർ, സഞ്ചരിച്ച വഴി മുതലായവയും ഇതിലൂടെ മനസ്സിലാക്കാൻ കഴിയും. ക്രമസമാധാന പാലനത്തിനും ജനക്കൂട്ട നിയന്ത്രണത്തിനും ആവശ്യമുള്ള ഡ്രോണുകൾ സ്വന്തമായി വികസിപ്പിക്കാനും കേരള പോലീസ് ഉദ്ദേശിക്കുന്നതായി മുഖ്യമന്ത്രി പറഞ്ഞു.
പേരൂർക്കട എസ്.എ.പി പരേഡ് ഗ്രൗണ്ടിൽ നടന്ന ചടങ്ങിൽ ഡി.ജി.പി അനിൽ കാന്ത്, എ.ഡി.ജി.പി കെ. പത്മകുമാർ, സൈബർഡോം നോഡൽ ഓഫിസർ എ.ഡി.ജി.പി മനോജ് എബ്രഹാം എന്നിവരും പങ്കെടുത്തു.
0 Comments