NEWS UPDATE

6/recent/ticker-posts

Header Ads Widget

ads header

ചെളിവെള്ളകെട്ടും ദുര്‍ഗന്ധവും; കൊതുകു വളര്‍ത്തു കേന്ദ്രമായി പാലക്കുന്ന് ടൗണ്‍

ഉദുമ: ചെളിവെള്ളകെട്ടും ദുര്‍ഗന്ധവും ഒപ്പം കൊതുകു ശല്യവും. പൊറുതിമുട്ടി വ്യാപാരികളും മിനി ടെമ്പോ ഡ്രൈവര്‍മാരും യാത്രക്കാരും. പാലക്കുന്ന് ടൗണില്‍ ക്ഷേത്ര ഗോപുരത്തിന് എതിര്‍വശത്ത് കെ.എസ്.ടി.പി റോഡിനോട് ചേര്‍ന്ന പൊതു ഇടം മഴക്കാലമായാല്‍ ഇങ്ങനെയാണ്.[www.malabarflash.com]
ഇരുപതോളം ചെറുകിട കച്ചവട സ്ഥാപനങ്ങളും മിനി ടെമ്പോ സ്റ്റാന്‍ഡും ഡ്രൈവര്‍മാരുടെ വക ഉത്സവകാല കുടിവെള്ള വിതരണ കോണ്‍ക്രീറ്റ് മണ്ഡപവും വിശ്രമ കേന്ദ്രവും ഇവിടെയാണ്. ഈ ചെളിക്കുളത്തിലൂടെ നടന്ന് വേണം ആളുകള്‍ക്ക് അപ്പുറം കടക്കാന്‍.
ലോക്ഡൗണിനെ തുടര്‍ന്നുള്ള മാന്ദ്യത്തിന് പുറമെ ഈ ചെളിക്കുള ദുരിതവും കൂടിയായപ്പോള്‍ ഷോപ്പിംഗിനായി ആളുകളില്ലാതെ ഇവിടുത്തെ വ്യാപാരികള്‍ കൊതുകു കടിയും ദുര്‍ഗന്ധവും സഹിച്ച് പൊറുതിമുട്ടികഴിയുകയാണ്.
ചെളിവെള്ളത്തിലൂടെ ദുര്‍ഗന്ധവും കൊതുക് കടിയും സഹിച്ച് കാല്‍നട യാത്ര സാധ്യമല്ലെന്നതിനാല്‍ കച്ചവട സ്ഥാപനങ്ങള്‍ ആളില്ലാതെ ശൂന്യം. മഴക്കാലമായാല്‍ ഈ പതിവ് കാഴ്ച മൂന്ന് വര്‍ഷമായി തുടരുന്നു.

പഞ്ചായത്തില്‍ പരാതി നല്‍കി മടുത്തുവെന്ന് വ്യാപാരികളും പരിസരവാസികളും പറയുന്നു.
പി.ഡബ്‌ള്യു.ഡി.യുടെ കീഴിലാണ് ഈ ഇടമെങ്കിലും പഞ്ചായത്ത് ചെലവില്‍ ഇത് കോണ്‍ക്രീറ്റ് ചെയ്യാനും ഓവുചാല്‍ നിര്‍മ്മിക്കാനും നാലു ലക്ഷം രൂപ നീക്കിവെച്ചിട്ടുണ്ടെന്ന് ഉദുമ പഞ്ചായത്ത് പ്രസിഡന്റ് കെ.എ.മുഹമ്മദലിയും വാര്‍ഡ് അംഗം കാപ്പില്‍ മുഹമ്മദ് പാഷയും പറഞ്ഞു അറിയിച്ചു. പി.ഡബ്ല്യൂ.ഡി. യുടെ അനുമതി കിട്ടിയാലുടനെ പണി ആരംഭിക്കുമെന്നവര്‍ അറിയിച്ചു.

Post a Comment

0 Comments