സംസ്ഥാന സര്‍ക്കാരും തദ്ദേശ സ്വയംഭരണ സ്ഥാപനങ്ങളും പെട്രോള്‍ ഔട്ട്ലെറ്റുകളിലെ ടോയ്ലറ്റുകള്‍ പൊതു ടോയ്ലറ്റുകളാക്കി മാറ്റാനുള്ള ശ്രമങ്ങളെ ചോദ്യം ചെയ്ത് പെട്രോളിയം വ്യാപാരികളുടെ സംഘടന നല്‍കിയ ഹര്‍ജിയിലാണ് ഉത്തരവ്. ഉപയോക്താക്കളുടെ അടിയന്തര ആവശ്യങ്ങള്‍ക്കുള്ള സ്വകാര്യ പമ്പുകളിലെ ടോയ്ലറ്റുകള്‍ പൊതുജനങ്ങള്‍ക്ക് തുറന്നുകൊടുക്കാന്‍ നിര്‍ബന്ധിതരാകുന്നുവെന്നും, ഇത് പെട്രോള്‍ പമ്പുകളുടെ പതിവ് പ്രവര്‍ത്തനം തടസപ്പെടുത്തുന്നു എന്നും ഹര്‍ജിക്കാര്‍ വാദിച്ചു.
യാത്രക്കാര്‍ക്ക് ടോയ്ലറ്റ് സൗകര്യം നല്‍കണമെന്ന് ആവശ്യപ്പെട്ട് നിരവധി ടൂറിസ്റ്റ് ബസുകളാണ് പെട്രോള്‍ പമ്പുകളില്‍ എത്തുന്നത്. കൂടാതെ, സ്ഫോടകവസ്തുക്കളുടെ സാന്നിധ്യം മൂലം ഉയര്‍ന്ന അപകടസാധ്യതയുള്ള മേഖലകളായ പെട്രോള്‍ പമ്പ് പരിസരങ്ങളില്‍ ഇത് പലപ്പോഴും സംഘര്‍ഷങ്ങള്‍ക്കും വഴക്കുകള്‍ക്കും കാരണമായിട്ടുണ്ടെന്നും ഹര്‍ജിക്കാര്‍ കോടതിയെ അറിയിച്ചു.
0 Comments