NEWS UPDATE

6/recent/ticker-posts

കൊലപാതകം മറയ്ക്കാനായി മൃതദേഹം കുഴിച്ചുമൂടുന്നതിനിടെ 60 കാരൻ ഹൃദയാഘാതം സംഭവിച്ച് മരിച്ചു

കൊലപാതകം മറയ്ക്കാനായി മൃതദേഹം കുഴിച്ചുമൂടുന്നതിനിടെ അറുപതുകാരന് ഹൃദയാഘാതം സംഭവിച്ചു. വാഷിംഗ്ടണിലെ ട്രെന്റണിലാണ് സംഭവം.[www.malabarflash.com]


അറുപത് വയസുകാരനായ ജോസഫ് മക്കിന്നണാണ് ഹൃദയാഘാതം സംഭവിച്ച് മരിച്ചത്. 65 കാരിയായ പട്രീഷ്യ റൂത്ത് ഡെന്റിനെ കൊലപ്പെടുത്തി വീടിന് പിന്നിൽ തന്നെ ആരും അറിയാതെ മറവ് ചെയ്യാൻ ശ്രമിക്കുന്നതിനിടെയാണ് ജോസഫിന് ഹൃദയാഘാതമുണ്ടായത്.

സമീപവാസികളാണ് മരിച്ച് കിടക്കുന്ന ജോസഫിനെ കുറിച്ച് പോലീസിൽ അറിയിക്കുന്നത്. ആദ്യം ജോസഫിന്റെ മൃതദേഹമാണ് പോലീസ് കണ്ടെത്തിയത്. തൊട്ടുപിന്നാലെയാണ് സമീപത്തെ കുഴിയിൽ ഗാർബേജ് ബാഗിൽ പൊതിഞ്ഞ നിലയിൽ പെട്രീഷ്യയുടേയും മൃതദേഹം കണ്ടെത്തിയത്.

ഇരുവരുടേയും മൃതദേഹങ്ങൾ പോസ്റ്റുമോർട്ടം ചെയ്തു. പെട്രീഷ്യയെ ജോസഫ് കഴുത്ത് ഞെരിച്ച് കൊലപ്പെടുത്തിയതാണെന്ന് കണ്ടെത്തി. കൊലപാതകത്തിന് പിന്നിലെ കാരണം വ്യക്തമല്ല.

Post a Comment

0 Comments