NEWS UPDATE

6/recent/ticker-posts

എക്‌സ് 60 പ്രോ പ്ലസ് ഫോണ്‍ അവതരിപ്പിച്ച് വിവോ

ഡൽഹി: സ്മാര്‍ട്ട്‌ഫോണ്‍ നിർമാതാക്കളായ വിവോ ജര്‍മ്മന്‍ ഒപ്റ്റിക്‌സ് കമ്പനിയായ സീസുമായി ചേര്‍ന്ന് പുതിയ വിവോ എക്‌സ് 60 + പ്രീമിയം ഫോണ്‍ അവതരിപ്പിച്ചു.[www.malabarflash.com]

ഒപ്റ്റിക്‌സിന് പ്രാധാന്യം നല്‍കി കൊണ്ടുള്ള ക്വാഡ് ക്യാമറ സംവിധാനം അവതരിപ്പിക്കുന്ന സ്മാര്‍ട്ട്‌ഫോണുകളില്‍ ആദ്യത്തേതാണിത്. 2020 ഡിസംബറിലായിരുന്നു വിവോയും സീസും തമ്മിലുള്ള പങ്കാളിത്തം പ്രഖ്യാപിച്ചത്. ഇതിലൂടെ വിവോ പ്രീമിയം സ്മാര്‍ട്ട്‌ഫോണുകളില്‍ ‘സീസ് കോ എഞ്ചിനീയറിംഗ് ഇമേജിംഗ് സിസ്റ്റം’ അവതരിപ്പിക്കുമെന്നും നേരത്തെ പ്രസ്താവിച്ചിരുന്നു. മുന്‍നിര എക്‌സ് 60 പ്രോ + 12 ജിബി റാമും 256 ജിബി സ്‌റ്റോറേജും ഉണ്ട്.

കൂടാതെ, സ്‌നാപ്ഡ്രാഗണ്‍ 888 മൊബൈല്‍ പ്ലാറ്റ്‌ഫോം ഇതില്‍ പായ്ക്ക് ചെയ്യുന്നു. 4200 എംഎഎച്ച് ബാറ്ററിയും 6.56 ഇഞ്ച് അമോലെഡ് 120 ഹെര്‍ട്‌സ് ഡിസ്‌പ്ലേയും 1300 നിറ്റ്‌സ് ബ്രൈറ്റ്‌നസ്, എച്ച്ഡിആര്‍ 10 +, 2376-1080 റെസല്യൂഷന്‍ എന്നിവയാണ് മോഡലിന്റെ സവിശേഷത. 48 എംപി അള്‍ട്രാവൈഡ് ആംഗിള്‍ മെയിന്‍ ക്യാമറ, 4 ആക്‌സിസ് ഒഐഎസ്, എഫ് 1.6 അപ്പര്‍ച്ചര്‍ ഉള്ള സെക്കന്‍ഡറി മെയിന്‍ 50 എംപി ക്യാമറ, 50 എംഎം ഉള്ള 32 എംപി പോര്‍ട്രെയിറ്റ് ക്യാമറ എന്നിവയാണ് എക്‌സ് 60 പ്രോ + ന്റെ വലിയ പ്രത്യേകത.

സിക്വാലന്റ് ഫോക്കല്‍ ലെങ്ത്, 5എക്‌സ് ഒപ്റ്റിക്കല്‍ സൂം, 60എക്‌സ് ‘സൂപ്പര്‍ സൂം’ ഉള്ള 8 എംപി പെരിസ്‌കോപ്പ് ക്യാമറ. റിയര്‍ ക്വാഡ് ക്യാമറ സംവിധാനം ഉപയോക്താക്കള്‍ക്ക് 8 കെ / 30 എഫ്പിഎസ് വരെ വീഡിയോകള്‍ റെക്കോര്‍ഡുചെയ്യാനും എച്ച്ഡിആര്‍ 10 + പിന്തുണയോടെ 60 കെപിഎസ് വരെ 4 കെ, എഫ്എച്ച്ഡി എന്നിവ റെക്കോര്‍ഡുചെയ്യാനും പ്രാപ്തമാക്കും.ഡ്യുവല്‍ മെയിന്‍ ക്യാമറകളില്‍ ‘സൂപ്പര്‍ സെന്‍സിറ്റീവ് മൈക്രോ പാന്‍ ഹെഡ്’ ഉണ്ട്, 

വിവോ പറയുന്നതനുസരിച്ച്, ലെന്‍സുകള്‍ ഒരു സീസ് കോട്ടിംഗിനെ ഉള്‍ക്കൊള്ളുന്നു. ഇത് പ്രകാശപ്രവാഹം വര്‍ദ്ധിപ്പിക്കുമ്പോള്‍ ഫ്‌ളെയര്‍, ഗോസ്റ്റ്, റിഫഌന്‍ എന്നിവ കുറയ്ക്കുന്നു. സീസ് കോട്ടുചെയ്ത ലെന്‍സ് പ്രധാന ക്യാമറയുടെ എഫ് 1.6 അപ്പേര്‍ച്ചറും എഐ പവര്‍ഡ് നോയ്‌സ് റിഡക്ഷന്‍ സിസ്റ്റവും ചേര്‍ന്ന് ഇരുണ്ട പരിതസ്ഥിതിയില്‍ 140% വരെ കൂടുതല്‍ പ്രകാശ സംവേദനക്ഷമത കൈവരിക്കുമെന്ന് വിവോ പറയുന്നു.

അതേസമയം, കുറഞ്ഞ അന്തരീക്ഷത്തില്‍ ആളുകളുടെ ചിത്രമെടുക്കുന്നതിന് പോര്‍ട്രെയിറ്റ് ക്യാമറ ‘നൈറ്റ് ഒപ്റ്റിമൈസേഷന്‍’ വാഗ്ദാനം ചെയ്യുന്നു. സെല്‍ഫികള്‍ക്കായി, വിവോ എക്‌സ് 60 പ്രോ + ന് 32 എംപി എഫ് 2.5 26 എംഎം വൈഡ് ആംഗിള്‍ ഫ്രണ്ട് ഫേസിംഗ് ക്യാമറയുണ്ട്. കൂടാതെ അതിവേഗ ചാര്‍ജിംഗ് പിന്തുണയുള്ള യുഎസ്ബിസി, അണ്ടര്‍ ഡിസ്‌പ്ലേ ഫിംഗര്‍പ്രിന്റ് സെന്‍സര്‍, ഡ്യുവല്‍ബാന്‍ഡ് വൈഫൈ 802.11-6, ബ്ലൂടൂത്ത് 5.2, ഡ്യുവല്‍ സ്റ്റാന്‍ഡ്‌ബൈയോടുകൂടിയ ഡ്യുവല്‍ സിം ഡിസൈനും ആന്‍ഡ്രോയിഡ് 11 പ്രവര്‍ത്തിക്കുന്ന ഒഎസും ഈ മോഡലില്‍ ഉണ്ട്. നേവി നീല, ഓറഞ്ച് കളര്‍ ഓപ്ഷനുകളിലാണ് വിവോ എക്‌സ് 60 പ്രോ + പുറത്തിറക്കിയിരിക്കുന്നത്. ഏകദേശം 55,000 രൂപയ്ക്ക് മുകളിലാവും ഇതിന്റെ വിലയെന്നാണ് സൂചന.

Post a Comment

0 Comments