ദുബൈ: ഖിസൈസിലെ റസ്റ്ററന്റിൽ പാചക വാതകം ചോർന്നതിനെ തുടർന്ന് വൻ സ്ഫോടനം. ആർക്കും പരുക്കില്ല. റസ്റ്ററന്റിനും തൊട്ടടുത്തെ ഒരു ഫാർമസി, ബ്യൂട്ടി സലൂൺ, മൂന്ന് കാറുകൾ എന്നിവയ്ക്കും കാര്യമായ കേടുപാടുകൾ സംഭവിച്ചതായി ഖിസൈസ് പോലീസ് സ്റ്റേഷൻ ആക്ടിങ് ഡയറക്ടർ ബ്രി.അബ്ദുൽ ഹാലിം അൽ ഹാഷിമി പറഞ്ഞു.[www.malabarflash.com]
തിങ്കളാഴ്ച പുലർച്ചെ നാലിന് ഡമാസ്കസ് സ്ട്രീറ്റിലെ റസ്റ്ററന്റിലായിരുന്നു സംഭവം. സ്ഫോടനമുണ്ടായ സമയത്ത് റസ്റ്ററന്റ് അടച്ചിട്ടിരിക്കുകയായിരുന്നു. ഉടൻ സ്ഥലത്തെത്തിയ ദുബൈ പോലീസ് പട്രോൾ സംഘം ദുബൈ സിവിൽ ഡിഫൻസിനോടൊപ്പം രക്ഷാ പ്രവർത്തനം നടത്തി. റസ്റ്ററന്റ് സ്ഥിതി ചെയ്തിരുന്ന ഇരുനില കെട്ടിടത്തിൽ നിന്ന് താമസക്കാരെയെല്ലാം ഒഴിപ്പിച്ചു.
തുടർന്ന് നടത്തിയ അന്വേഷണത്തിലാണ് വാതക ചോർച്ചയാണ് സ്ഫോടനത്തിന് കാരണമെന്ന് കണ്ടെത്തിയതെന്ന് ബ്രി.അൽ ഹാഷിമി പറഞ്ഞു. ഫൊറൻസിക് ആൻഡ് ക്രിമിനോളജി വിഭാഗം കൂടുതൽ അന്വേഷണം നടത്തിവരുന്നു. കൃത്യസമയത്ത് അറ്റകുറ്റപ്പണികൾ നടത്തി സുരക്ഷാ നിർദേശങ്ങൾ പാലിക്കണമെന്ന് അറിയിച്ചു.
തുടർന്ന് നടത്തിയ അന്വേഷണത്തിലാണ് വാതക ചോർച്ചയാണ് സ്ഫോടനത്തിന് കാരണമെന്ന് കണ്ടെത്തിയതെന്ന് ബ്രി.അൽ ഹാഷിമി പറഞ്ഞു. ഫൊറൻസിക് ആൻഡ് ക്രിമിനോളജി വിഭാഗം കൂടുതൽ അന്വേഷണം നടത്തിവരുന്നു. കൃത്യസമയത്ത് അറ്റകുറ്റപ്പണികൾ നടത്തി സുരക്ഷാ നിർദേശങ്ങൾ പാലിക്കണമെന്ന് അറിയിച്ചു.
0 Comments