9 പുതിയ ഹോട്സ്പോട്ടുകൾ കൂടി, ഏഴെണ്ണവും കണ്ണൂരിൽ; സംസ്ഥാനത്താകെ 37

തിരുവനന്തപുരം: സംസ്ഥാനത്ത് ശനിയാഴ്ച  9 പ്രദേശങ്ങളെ കൂടി ഹോട്സ്‌പോട്ടുകളായി പ്രഖ്യാപിച്ചു.[www.malabarflash.com]

പാലക്കാട് ജില്ലയിലെ നാഗലശേരി, കണ്ണൂര്‍ ജില്ലയിലെ ചിറയ്ക്കല്‍, മാലൂര്‍, കണ്ണൂര്‍ കോര്‍പറേഷന്‍, പയ്യന്നൂര്‍ മുന്‍സിപ്പാലിറ്റി, ചെമ്പിലോട്, അയ്യന്‍കുന്ന്, കോട്ടയം മലബാര്‍, കോട്ടയം ജില്ലയിലെ കോരുത്തോട് എന്നിവയാണ് പുതിയ ഹോട്സ്പോട്ടുകള്‍. നിലവില്‍ ആകെ 37 ഹോട്സ്പോട്ടുകളാണ് ഉള്ളത്.


സംസ്ഥാനത്ത് ശനിയാഴ്ച  62 പേർക്കാണ് കോവിഡ്-19 സ്ഥിരീകരിച്ചത്. പാലക്കാട് ജില്ലയിലെ 19 പേര്‍ക്കും കണ്ണൂര്‍ ജില്ലയിലെ 16 പേര്‍ക്കും മലപ്പുറം ജില്ലയിലെ 8 പേര്‍ക്കും ആലപ്പുഴ ജില്ലയിലെ 5 പേര്‍ക്കും കോഴിക്കോട്, കാസർകോട് ജില്ലയിലെ 4 പേര്‍ക്ക് വീതവും കൊല്ലം ജില്ലയിലെ 3 പേര്‍ക്കും കോട്ടയം ജില്ലയിലെ 2 പേര്‍ക്കും വയനാട് ജില്ലയിലെ ഒരാള്‍ക്കുമാണ് രോഗം ബാധിച്ചത്.