റിയാദിൽ വാഹനാപകടം: മലയാളി യുവാവ്​ മരിച്ചു

റിയാദ്: റിയാദിലുണ്ടായ വാഹനാപകടത്തിൽ മലപ്പുറം വാഴക്കാട് സ്വദേശി ചീരോത്ത് തടായിൽ ജൗഹർ (22) മരിച്ചു. ചൊവ്വാഴ്​ച ഉച്ചകഴിഞ്ഞ്​ 3.45ഓടെ അൽഖർജ് റോഡിലാണ്​ അപകടം. തൽക്ഷണം മരണം സംഭവിച്ചു. ബേക്കറി കമ്പനിയിൽ സെയിൽസ്​മാനായ ജൗഹർ ഓടിച്ച മിനി ട്രക്ക്​ ട്രെയിലറിന്​ പിന്നിലിടിച്ചാണ്​ അപകടം.[www.malabarflash.com]

നാല്​ മാസം മുമ്പാണ്​ തൊഴിൽ വിസയിൽ സൗദിയിലെത്തിയത്​. അവിവാഹിതനാണ്​. സി.ടി. അബ്​ദുറഹ്​മാനാണ്​ പിതാവ്​. മാതാവ്​: ആമിന. സഹോദരങ്ങൾ: ജംസീർ (തബൂക്ക്​),
ജന്നത്ത്.

മൃതദേഹം റിയാദിൽ ഖബറടക്കുന്ന നടപടിക്രമങ്ങൾ പൂർത്തിയാക്കാൻ കെ.എം.സി.സി മലപ്പുറം ജില്ല വെൽഫെയർ വിങ് ചെയർമാൻ റഫീഖ് മഞ്ചേരി നേതൃത്വം നൽകുന്നു.