NEWS UPDATE

6/recent/ticker-posts

Header Ads Widget

ads header

ലീഗ് ഓഫിസിൽ മധ്യസ്ഥ ചർച്ചക്കിടെ കുത്തേറ്റ യുവാവ് മരിച്ചു

കോഴിക്കോട്: മുസ്​ലിം ലീഗ് ഓഫിസിൽ മധ്യസ്ഥ ചർച്ചക്കിടെ ലീഗ് പ്രവർത്തകൻ എടച്ചേരിക്കണ്ടി അൻസാർ (28) കുത്തേറ്റ്​ മരിച്ചു. സംഭവത്തിൽ ലീഗ് പ്രവർത്തകൻ തന്നെയായ തൊട്ടിൽപ്പാലം ബെൽമൗണ്ട് സ്വദേശി അഹമ്മദ് ഹാജിയെ പോലീസ് കസ്റ്റഡിയിലെടുത്തു.[www.malabarflash.com] 

ഇരുവരും തമ്മിൽ നേരത്തെയുള്ള തർക്കത്തെ കുറിച്ച്​ തിങ്കളാഴ്​ച രാത്രി 10 മണിയോടെ മുസ്​ലിം ലീഗ് തൊട്ടിൽപ്പാലം ഓഫിസിൽ ഒത്തുതീർപ്പ്​ ചർച്ച നടന്നിരുന്നു. ഇതുകഴിഞ്ഞ് പുറത്തിറങ്ങവെ അഹമ്മദ് ഹാജി അരയിലൊളിപ്പിച്ചിരുന്ന കത്തിയെടുത്ത് അൻസാറിനെ കുത്തുകയായിരുന്നു. രക്ഷിക്കാൻ ശ്രമിക്കുന്നതിനിടെ യൂത്ത്​ ലീഗ്​ കാവിലുമ്പാറ പഞ്ചായത്ത്​ പ്രസിഡൻറ്​ ശിഹാബ്​ ഉണിയിരത്തിനും മറ്റൊരു ലീഗ്​ പ്രവർത്തകനും പരിക്കേറ്റു.

അൻസാർ സമൂഹമാധ്യമങ്ങളിലൂടെ അഹമ്മദിനെതിരെ അപവാദ പ്രചരണം നടത്തിയിരുന്നുവെന്നാണ് ലീഗ് നേതാക്കൾ പറയുന്നത്. ഇതുമായി ബന്ധപ്പെട്ട വൈരാഗ്യമാണ് കൊലപാതകത്തിലേക്ക് നയിച്ചതെന്നാണ് സൂചന.

പ്രവർത്തകർ തമ്മിലുള്ള പ്രശ്നം പരിഹരിക്കാൻ ലീഗ് പ്രാദേശിക നേതൃത്വം ഇടപെട്ടാണ്​ മധ്യസ്ഥ ചർച്ചയ്ക്കായി ഇരുവരെയും വിളിപ്പിച്ചത്​. കുത്തേറ്റ അൻസാറിനെ കോഴിക്കോട് മെഡിക്കൽ കോളജിലെത്തിച്ചെങ്കിലും ചൊവ്വാഴ്​ച പുലർച്ചയോടെ​ മരണപ്പെട്ടു​.

Post a Comment

0 Comments