ബുധനാഴ്ച വൈകുന്നേരത്തോടെ മരണ വിവരം മാത്യുവിന്‍റെ ജര്‍മനിയില്‍ പഠിക്കുന്ന മകന്‍ കുര്യാക്കോസാ(അപ്പു)ണ് അറിയിച്ചതെന്നു സഹോദരന്‍ എം.കെ.ജോസഫ് ദീപികയോടു പറഞ്ഞു.
ഇറ്റലിയിൽ മിലാനിലെ താമസസ്ഥലത്തെ ബാത്ത് റൂമിൽ കയറിയിട്ടു പുറത്തിറങ്ങാതെ വന്നതോടെ സമീപത്തുള്ളവർ കെട്ടിട ഉടമയെ അറിയിച്ചു. തുടർന്നു പോലീസ് എത്തി ബാത്ത്റൂം തുറന്നപ്പോൾ മരിച്ച നിലയിൽ കാണപ്പെടുകയായിരുന്നു. ഹൃദയാഘാതമാണെന്നു സംശയിക്കുന്നു.
പോസ്റ്റ്മോർട്ടം റിപ്പോർട്ട് ലഭിച്ചാൽ മാത്രമേ മരണവിവരം വ്യക്തമാകൂ. ഇറ്റലിയിൽ മരിച്ചെന്നു കേട്ടതോടെ കൊറോണ ബാധിച്ചാണോയെന്ന അഭ്യൂഹം പരന്നിരുന്നു.
ദുബായില്‍ ജോലി ചെയ്തിരുന്ന മാത്യു ഏതാനും വര്‍ഷങ്ങള്‍ക്കു മുമ്പാണ് ഇറ്റലിയിലേക്കു പോയത്. മെട്രോ സര്‍വീസിലുണ്ടായിരുന്ന താത്കാലിക ജോലി രണ്ടു മാസമായി തടസപ്പെട്ടിരിക്കുകയായിരുന്നു. കഴിഞ്ഞ ഒാഗസ്റ്റിൽ അമ്മയുടെ നിര്യാണവുമായി ബന്ധപ്പെട്ടു നാട്ടിൽ വന്നിരുന്നു. പത്തുവര്‍ഷം മുമ്പ് ഭാര്യ ജസമ്മ രോഗംമൂലം മരിച്ചു. നീന്തല്‍ താരം എടത്വ മണമേല്‍ സെബാസ്റ്റ്യന്‍ സേവ്യറിന്‍റെ സഹോദരിയാണ് ജസമ്മ. മറ്റൊരു മകന്‍ സേവ്യര്‍(അമല്‍) ചെന്നൈയില്‍ എന്‍ജിനിയറിംഗ് വിദ്യാര്‍ഥിയാണ്.
0 Comments