വാരാണസിയില്‍ മൂന്ന് ട്രക്കുകളില്‍ ഇ വി എമ്മുകള്‍ കൊണ്ടുപോയതായി എസ് പി നേതാവ് അഖിലേഷ് യാദവ് പറഞ്ഞു. സ്ഥാനാര്‍ഥികളുടെ സമ്മതമില്ലാതെ ഇ വി എമ്മുകള്‍ കൊണ്ടുപോകാന്‍ അധികാരമില്ല. ബി ജെ പിക്ക് തിരിച്ചടി നേരിടുന്ന ഇടങ്ങളില്‍ വോട്ടെണ്ണല്‍ സാവധാനത്തിലാക്കാന്‍ ജില്ലാ മജിസ്‌ട്രേറ്റുമാര്‍ക്ക് മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി നിര്‍ദേശം നല്‍കിയതായുള്ള വിവരങ്ങളും തങ്ങള്‍ക്ക് ലഭിച്ചിട്ടുണ്ടെന്നും അദ്ദേഹം പറഞ്ഞു.
അതേസമയം, പരിശീലനത്തിന് ഉപയോഗിച്ച ഇ വി എമ്മുകളാണ് കൊണ്ടുപോയതെന്നും വോട്ടിംഗിന് ഉപയോഗിച്ചതല്ലെന്നും ജില്ലാ മജിസ്‌ട്രേറ്റ് കൗശല്‍ രാജ് ശര്‍മ പറഞ്ഞു. ചില പാര്‍ട്ടികള്‍ ഊഹാപോഹം പ്രചരിപ്പിക്കുകയാണ്. വോട്ടിംഗിന് ഉപയോഗിച്ച മെഷീനുകള്‍ സീല്‍ ചെയ്ത് സ്‌ട്രോംഗ് റൂമില്‍ സൂക്ഷിച്ചിരിക്കുകയാണ്. സി ആര്‍ പി എഫ് കാവല്‍ നില്‍ക്കുന്നുണ്ട്. മാത്രമല്ല, എല്ലാ രാഷ്ട്രീയ പാര്‍ട്ടികള്‍ക്കും കാണാവുന്ന തരത്തില്‍ സി സി ടി വി നിരീക്ഷണത്തിലുമാണെന്നും അദ്ദേഹം പറഞ്ഞു. വ്യാഴാഴ്ചയാണ് യു പിയിലെ വോട്ടെണ്ണല്‍.
Post a Comment