കോട്ടയം: മരണവീട്ടില്നിന്ന് ജനറേറ്റര് മോഷ്ടിച്ച കേസിൽ മൂന്നു യുവാക്കൾ അറസ്റ്റിൽ. മോനിപ്പള്ളി തച്ചാറക്കുഴിയില് ജയിംസ് ബേബി (26), മാഞ്ഞൂര് മേമ്മുറി കളപ്പുരതട്ടേല് ചാക്കോജോസ് (20), പാമ്പാടി കൂരോപ്പട കുന്നുംപുറത്ത് നോബി കെ. പൈലോ (38) എന്നിവരെയാണ് കടുത്തുരുത്തി പോലീസ് അറസ്റ്റ് ചെയ്തത്.[www.malabarflash.com]
മേമ്മുറി അപ്പോഴിപറമ്പില് എ.പി. ജോസഫിന്റെ (അപ്പച്ചന്--75) വീട്ടിലായിരുന്നു മോഷണം. കഴിഞ്ഞദിവസം മരിച്ച ജോസഫിന്റെ സംസ്കാരം ഞായറാഴ്ചയായിരുന്നു. വീട്ടിൽ ഉപയോഗിച്ച ജനറേറ്റർ ഞായറാഴ്ച രാവിലെ വീട്ടിലെത്തിയ ഇവർ കടത്തിക്കൊണ്ടുപോയി.
മോനിപ്പള്ളിയില്നിന്ന് ഓട്ടോ വിളിച്ചുകൊണ്ടുവന്നാണ് കൊണ്ടുപോയത്. കോട്ടയത്ത് എത്തി ഓട്ടോ മടക്കിയയച്ചു. ഇതിനിടെ സംശയം തോന്നിയ ഓട്ടോ ഡ്രൈവർ മരണവീട്ടിലെത്തി ജനറേറ്റര് കൊണ്ടുപോയ കാര്യം പറഞ്ഞു. ഇതോടെയാണ് മോഷണം നടന്നതായി വ്യക്തമായത്. തുടര്ന്ന് ഓട്ടോ ഡ്രൈവറുടെ സഹായത്തോടെ എസ്.ഐ വിബിന് ചന്ദ്രന്റെ നേതൃത്വത്തില് യുവാക്കളെ ജനറേറ്റര് സഹിതം കസ്റ്റഡിയിലെടുത്തു.
0 Comments