പിതാവ് മരിച്ച് ആറാം നാൾ ഇളയ മകനും കോവിഡ് ബാധിച്ചു മരിച്ചു

ഉദുമ: പിതാവ് മരിച്ച് ആറാം നാൾ ഇളയ മകനും കോവിഡ് ബാധിച്ചു മരിച്ചു. ഉദുമ മീത്തൽ മാങ്ങാട് സെമീറാ മൻസിലിലെ കെ.എം.മുഹമ്മദ് ഷംസീർ (29) ആണ് കാസർകോട് ഉക്കിനടുക്ക ഗവ. മെഡിക്കൽ കോളേജിൽ കോവിഡ് ചികിത്സയിലിരിക്കെ മരിച്ചത്.[www.malabarflash.com]

ഷംസീറിന്റെ പിതാവ് സി.എ. മുഹമ്മദ് കുഞ്ഞി(60) കോവിഡ് ബാധിച്ച് ജൂലൈ ഒന്നിന് കാസർകോട് സ്വകാര്യ ആസ്പത്രിയിൽ മരണപ്പെട്ടിരുന്നു. 

ഈ ഞെട്ടൽ മാറും മുൻപാണ് കുടുംബത്തിലെ രണ്ടാമത്തെയാളെയും മഹാമാരി തട്ടി എടുത്തത്. 

ഷംസീറിന്റെ മാതാവ്: കെ. ബീവി.
സഹോദരങ്ങൾ: ഷബീർ, സെമീറ, നാസർ, ശിഹാബുദ്ധീൻ (ഓട്ടോ ഡ്രൈവർ മാങ്ങാട്).