NEWS UPDATE

6/recent/ticker-posts

എ.ടി.എം ഇടപാട്; ചാർജ് വർധനവിന് ബാങ്കുകൾക്ക് അനുമതി നൽകി ആർ.ബി.ഐ

തിരുവനന്തപുരം: എ.ടി.എം ഇടപാട്​ ചാർജ്​ വർധിപ്പിക്കാൻ ബാങ്കുകൾക്ക്​ റിസർവ്​ ബാങ്ക് ഓഫ് ഇന്ത്യ അനുമതി നൽകി.ഇതോടെ എ.ടി.എം ഇടപാടിന്​ ഉപഭോക്താക്കളും അമിത ചാർജ്​ നൽകേണ്ടി വരും.[www.malabarflash.com]


ഇൻറർചേഞ്ച്​ ചാർജും, ധനകാര്യേതര ഇടപാടുകളുടെ ചാർജുമാണ്​ വർധിപ്പിക്കാൻ അനുമതി നൽകിയത്​. ഇതിനായി രൂപീകരിച്ച പ്രത്യേക കമ്മിറ്റിയുടെ ശുപാർശ പ്രകാരമാണ്​ നടപടി.2014ലാണ്​ ഇതിന്​ മുമ്പ്​ ചാർജുകൾ വർധിപ്പിച്ചത്​. ചാർജുകളിൽ മാറ്റം വരുത്തിയിട്ട്​ വർഷങ്ങളായെന്ന വാദം ആർ.ബി.ഐ മുഖവിലക്കെടുക്കുകയായിരുന്നു.

ഇൻറർചേഞ്ച്​ ചാർജ്​ 15ൽ നിന്ന്​ 17 രൂപയാക്കി വർധിപ്പിക്കാനാണ്​ അനുമതി.എ.ടി.എം കാർഡ്​ നൽകുന്ന ബാങ്ക്​ എ.ടി.എം സർവീസ്​ പ്രൊവൈഡർക്ക്​ നൽകുന്ന ചാർജാണിത്​. ഉപയോക്​താക്കൾ ഇതരബാങ്കിൻെറ എ.ടി.എം ഉപയോഗിച്ച്​ പണം പിൻവലിക്കു​മ്പോഴാണ്​ ഈ ചാർജ്​ ബാങ്കുകൾ എ.ടി.എം പ്രൊവൈഡർമാർക്ക്​ നൽകുന്നത്​. ധനകാര്യേതര ഇടപാടുകളുടെ ചാർജ്​ അഞ്ച്​ രൂപയിൽ നിന്ന്​ ആറ്​ രൂപയായും വർധിപ്പിക്കും.

ഇതോടെ എ.ടി.എമ്മിൽ നിന്ന്​ കൂടുതൽ തവണ പണം പിൻവലിച്ചാൽ ഉപയോക്​താക്കൾക്ക്​ ചുമത്തുന്ന ചാർജും ബാങ്കുകൾ വർധിപ്പിക്കും. നിലവിൽ പ്രതിമാസം സ്വന്തം ബാങ്കി​ൻെറ എ.ടി.എമ്മിൽ നിന്ന്​ അഞ്ച്​ ഇടപാടുകളും മറ്റ്​ ബാങ്കുകളിൽ മൂന്ന്​/ അഞ്ച് (മെട്രോ / നോൺ മെട്രോ) ഇടപാടുകളും നടത്താനാണ്​ അനുമതിയുള്ളത്​. ഇതിന്​ ശേഷമുള്ള ഓരോ ഇടപാടിനും 20 രൂപ ചാർജായി നൽകണം.ഇത്​ 21 രൂപയായി ബാങ്കുകൾ വർധിപ്പിക്കും. 2022 ജനുവരി ഒന്ന്​ മുതൽ പുതിയ ചാർജ്​ നിലവിൽ വരും. ഇതിനൊപ്പം നികുതിയുമുണ്ടാകും.

Post a Comment

0 Comments