NEWS UPDATE

6/recent/ticker-posts

കോവിഡ്​ രോഗികളുമായി യാത്ര; എയർ ഇന്ത്യ എക്​സ്​പ്രസ്​ വിമാനങ്ങൾക്ക് ദുബൈയിൽ​ വിലക്ക്​

ദുബൈ: കോവിഡ് ബാധിതരായ രണ്ട്​ പേർക്ക്​ യാത്ര അനുവദിച്ചതിനെ തുടർന്ന്​ എയർ ഇന്ത്യ എക്​സ്​പ്രസ്​ വിമാനങ്ങൾക്ക്​ ഇന്ന്​ മുതൽ 15 ദിവസത്തേക്ക്​ ദുബൈ വിമാനത്താവളം അധികൃതർ വിലക്കേർപെടുത്തി.[www.malabarflash.com]

കോവിഡ്​ പോസിറ്റീവ്​ ഫലം ഉണ്ടായിരുന്നിട്ടും യാത്രക്കാരെ യാത്ര ചെയ്യാൻ അനുവദിച്ചുവെന്ന്​ ചൂണ്ടിക്കാണിച്ചാണ്​ വിലക്കേർപെടുത്തിയത്. രണ്ടുതവണ പിഴവ് ആവർത്തിച്ചു.

രോഗിയുടെ പേരും പാസ്പോർട്ട് നമ്പറും യാത്ര ചെയ്ത് സീറ്റ് നമ്പറും ഉൾപ്പെടെ നോട്ടീസിൽ വ്യക്തമാക്കുന്നുണ്ട്. മുമ്പും സമാനമായ സംഭവമുണ്ടായപ്പോൾ ദുബൈ എയർപോർട്ട്​ അധികൃതർ എയർ ഇന്ത്യ എക്സ്പ്രസിന് മുന്നറിയിപ്പ് നൽകിയിരുന്നു. എന്നിട്ടും, പിഴവ് ആവർത്തിച്ച സാഹചര്യത്തിലാണ് ഒക്​ടോബർ രണ്ട്​ വരെ സസ്​പെൻഷൻ​.

ഇത്​ മൂലം യാത്രക്കാർക്കുണ്ടാകുന്ന ചികിത്സ, ക്വാറൻറീൻ ചെലവുകൾ എയർ ഇന്ത്യ വഹിക്കണമെന്നും മിഡിൽ ഈസ്​റ്റ്​ റീജിയനൽ മാനേജർക്ക്​ ​ദുബൈ സിവിൽ ഏവിയേഷൻ അതോറിറ്റി അയച്ച സസ്​പെൻഷൻ നോട്ടിസിൽ വ്യക്​തമാക്കി.

ഇതേ തുടർന്ന്​ അടുത്ത ദിവസങ്ങളിൽ പുറപ്പെടാനിരുന്ന വിമാനങ്ങൾ റദ്ദ്​ ചെയ്​തു.

Post a Comment

0 Comments