ചൊവ്വാഴ്ച വൈകീട്ട് ആറരയോടെയാണ് ഇവരെ രണ്ടു മരങ്ങളിലായി തൂങ്ങി മരിച്ച നിലയില്‍ കണ്ടെത്തിയത്. വിവരമറിഞ്ഞ് കുമ്പള പോലീസ് സ്ഥലത്തെത്തി അന്വേഷണമാരംഭിച്ചു. ഇന്‍ക്വസ്റ്റിന് ശേഷം കൊവിഡ് പരിശോധനയ്ക്കായി മൃതദേഹങ്ങള്‍ കാസര്‍കോട് ജനറല്‍ ആശുപത്രിയിലേക്ക് മാറ്റി.
തിങ്കളാഴ്ച രാത്രി നായ്ക്കാപ്പിലെ അരിമില്ലിലെ തൊഴിലാളിയായ ഹരീഷ് (38) വെട്ടേറ്റ് കൊല്ലപ്പെട്ടിരുന്നു. ഈ കേസില്‍ പ്രതി ശ്രീകുമാറിന്‍റെ അടുത്ത സുഹൃത്തുക്കളാണ് റോഷനും മണിയും. കൊല്ലപ്പെട്ട രാത്രി ശ്രീകുമാറിനൊപ്പം കാറില്‍ സഞ്ചരിക്കുന്നാതിയ നാട്ടുകാര്‍ പോലീസിന് മൊഴി നല്‍കിയിരുന്നു. റോഷനും മണിയും കൊല്ലപ്പെട്ട സമയത്തും കൂടെ ഉണ്ടായിരുന്നതായി പോലീസിന് വിവരം ലഭിച്ചിരുന്നു.
ഇവരെ ചോദ്യം ചെയ്യാന്‍ വിളിപ്പിക്കുമെന്ന ഭയമായിരിക്കാം ആത്മഹത്യയ്ക്ക് പ്രേരിപ്പിച്ചതെന്നാണ് പോലീസ് സംശയിക്കുന്നത്. ചൊവ്വാഴ്ച പുലര്‍ച്ചേ മുതലാണ് ഇവരെ കാണാതായത്. തുടര്‍ന്ന് വീട്ടുകാര്‍ രാവിലെയും ഉച്ചക്കും തെരച്ചില്‍ നടത്തിയിരുന്നു. അതിനിടയിലാണ് വൈകീട്ട് മരിച്ച നിലയില്‍ കണ്ടെത്തിയത്.
ഹരീഷ് വധ കേസിലെ പ്രതി ശ്രീകുമാര്‍ പോലീസിന്‍റെ കസ്റ്റഡിയിലാണ്. കുമ്പള സിഐ പി പ്രമോദിന്‍റെ നേതൃത്വത്തിലാണ് ഹരീഷ് വധം അന്വേഷണം നടത്തുന്നത്.
0 Comments