ജനങ്ങളെ തെറ്റിദ്ധരിപ്പിക്കുന്ന പ്രചാരണമാണ് നടക്കുന്നതെന്നും മുസ്‌ലിങ്ങളുടെ പൗരത്വത്തെ ഒരുതരത്തിലും നിയമം ബാധിക്കില്ലെന്നും മന്ത്രാലയം വ്യക്തമാക്കി. രാജ്യത്തെ നിലവിലെ 18 കോടി മുസ്‌ലിങ്ങള്‍ക്കും ഹിന്ദുക്കള്‍ക്കുള്ള എല്ലാ അവകാശവും ഉണ്ടായിരിക്കും. പൗരത്വം തെളിയിക്കാന്‍ ഒരു തരത്തിലുള്ള രേഖയും ഹാജരാക്കേണ്ടെന്നും ആഭ്യന്തര മന്ത്രാലയം പ്രസ്താവനയിലൂടെ അറിയിച്ചു.
സി.എ.എയുടെ കാര്യത്തിൽ ഇന്ത്യന്‍ മുസ്‌ലിങ്ങള്‍ക്ക് ഒരു ഭയപ്പാടും വേണ്ട. അവരുടെ പൗരത്വത്തെ ബാധിക്കുന്ന ഒരു നിബന്ധനയും നിയമത്തില്‍ ഇല്ലെന്നും ആഭ്യന്തര മന്ത്രാലയം വ്യക്തമക്കി.
അഭയാര്‍ഥികളെ സ്വന്തം രാജ്യത്തേക്ക് നാടുകടത്താന്‍ ഒരു രാജ്യവുമായും ഇന്ത്യ കരാറില്‍ ഏര്‍പ്പെട്ടിട്ടില്ല. അതിനാല്‍ സി.എ.എ മുസ്ലിം ന്യൂനപക്ഷങ്ങള്‍ക്ക് എതിരാണെന്ന മുസ്ലിംകളും വിദ്യാര്‍ഥികളും ഉള്‍പ്പെടെയുള്ള ഒരു വിഭാഗം ആളുകളുടെ ആശങ്ക ന്യായീകരിക്കാനാവാത്തതാണെന്നും മന്ത്രാലയം ചൂണ്ടിക്കാട്ടി.
Post a Comment