മു​സ്​​ലിം വ്യാ​പാ​രി പ​ണി​ക​ഴി​പ്പി​ച്ച​ ക്ഷേത്രോത്സവത്തിൽ മുസ്​ലിം കച്ചവടക്കാർക്ക്​ വിലക്ക്

ബം​ഗ​ളൂ​രു: പ​ന്ത്ര​ണ്ടാം നൂ​റ്റാ​ണ്ടി​ൽ മു​സ്​​ലിം വ്യാ​പാ​രി പ​ണി​ക​ഴി​പ്പി​ച്ച​ ക​ർ​ണാ​ട​ക​യി​ലെ ക്ഷേ​ത്ര​ത്തി​ന്‍റെ ഉ​ത്സ​വ​ത്തി​ൽ മു​സ്​​ലിം ക​ച്ച​വ​ട​ക്കാ​ർ​ക്ക്​ ര​ണ്ടാം​വ​ർ​ഷ​വും വി​ല​ക്ക്. മം​ഗ​ളൂ​രു​വി​ൽ നി​ന്ന്​ 29 കി​​ലോ​മീ​റ്റ​ർ അ​ക​ലെ​ മു​ൽ​ക്കി ബ​പ്പ​നാ​ട് ദു​ർ​ഗ പ​ര​മേ​ശ്വ​രി ക്ഷേ​ത്ര​ത്തി​ലാണ് വ്യാപാര വിലക്ക്.[www.malabarflash.com]

ക്ഷേ​ത്രം കേ​ര​ള​ത്തി​ലെ പൊ​ന്നാ​നി​യി​ൽ നി​ന്നു​ള്ള ബ​പ്പ ബി​യ​രി എ​ന്ന മു​സ്​​ലിം വ്യാ​പാ​രി​യാ​ണ്​ പ​ണി​ത​തെ​ന്നാ​ണ്​ വി​ശ്വാ​സം. ബപ്പനാട് എന്ന പേര് വന്നതും ബ​പ്പ ബി​യ​രിയിൽനിന്നുതന്നെ. അ​തി​നാ​ൽ ഇ​വി​ടം ഹി​ന്ദു, മു​സ്​​ലിം, ക്രി​സ്ത്യ​ൻ, ജൈ​ന വി​ശ്വാ​സി​ക​ളു​ടെ സാ​ഹോ​ദ​ര്യ​ത്തി​ന്‍റെ പ്ര​തീ​ക​മാ​ണ്.

ഏ​പ്രി​ൽ 12 വ​രെ​യാ​ണ്​ ഇവിടെ ഉ​ത്സ​വം. 35 വ​ർ​ഷ​ങ്ങ​ളാ​യി ഉത്സവത്തിന് മു​സ്​​ലിം ക​ച്ച​വ​ട​ക്കാ​രും സ​ജീ​വ​മാ​യി​രു​ന്നെ​ങ്കി​ലും ക​ഴി​ഞ്ഞ വ​ർ​ഷം മു​ത​ലാ​ണ്​ വി​ല​ക്ക്​ വ​ന്ന​ത്. തീ​വ്ര​ഹി​ന്ദു​ത്വ സം​ഘ​ട​ന​ക​ളു​ടെ ഭീ​ഷ​ണി​യെ തു​ട​ർ​ന്നാ​ണി​ത്. നി​രോ​ധ​നം നീ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ക​ഴി​ഞ്ഞ ദി​വ​സം വ്യാ​പാ​രി​ക​ൾ ക്ഷേ​ത്ര ക​മ്മി​റ്റി ഭാ​ര​വാ​ഹി​ക​ളെ സ​ന്ദ​ർ​ശി​ച്ചെ​ങ്കി​ലും ഫ​ല​മു​ണ്ടാ​യി​ല്ല. 

പ്ര​ദേ​ശ​വാ​സി​ക​ളു​ടെ നി​​വേ​ദ​ന​ത്തി​ന്റെ അ​ടി​സ്ഥാ​ന​ത്തി​ലാ​ണ്​ ന​ട​പ​ടി​യെ​ന്ന്​ ക്ഷേ​ത്ര​സ​മി​തി പ്ര​സി​ഡ​ന്‍റ്​ ദു​ഗ​ണ്ണ സാ​വ​ന്ത്​ പ​റ​ഞ്ഞു. അ​ഹി​ന്ദു​ക്ക​ൾ​ക്ക്​ ക്ഷേ​ത്ര​ത്തി​ന​ക​ത്തും സ​മീ​പ​ങ്ങ​ളി​ലും പ്ര​വേ​ശ​നം അ​നു​വ​ദി​ക്ക​രു​തെ​ന്ന​തി​നാ​ലാ​ണ്​​ വി​ല​ക്കെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ക്ഷേ​ത്ര​വും ഉ​ത്സ​വ​വും സാ​മു​ദാ​യി​ക സൗ​ഹാ​ർ​ദ​ത്തി​ന്​ ഉ​ദാ​ഹ​ര​ണ​മാ​ണെ​ന്നും​ ഇ​വ​ർ പ​റ​ഞ്ഞു.

എ​ന്നാ​ൽ, ഇ​ത്​ ഭ​ര​ണ​ഘ​ട​ന ലം​ഘ​ന​മാ​ണെ​ന്ന്​ ബം​ഗ​ളൂ​രു​വി​ലെ സാ​മൂ​ഹി​ക​പ്ര​വ​ർ​ത്ത​ക​നും അ​ഭി​ഭാ​ഷ​ക​നു​മാ​യ വി​ന​യ്​ ശ്രീ​നി​വാ​സ പ​റ​ഞ്ഞു. മു​സ്​​ലിം​ക​ളെ സാ​മ്പ​ത്തി​ക​മാ​യി ബ​ഹി​ഷ്​​ക​രി​ക്ക​ണ​മെ​ന്ന കാ​മ്പ​യി​ൻ ഏ​റെ​ക്കാ​ല​മാ​യി ദ​ക്ഷി​ണ ക​ന്ന​ട ജി​ല്ല​യി​ൽ വ്യാ​പ​ക​മാ​ണ്. ഇ​തോ​ടെ മേ​ഖ​ല​യി​ലെ 60ഓ​ളം ക്ഷേ​ത്രോ​ത്സ​വ​ങ്ങ​ളി​ൽ മു​സ്​​ലിം ക​ച്ച​വ​ട​ക്കാ​ർ​ക്ക്​ വി​ല​ക്ക്​ വ​ന്നു. 

മേ​യ്​ പ​ത്തി​ന്​ ക​ർ​ണാ​ട​ക​യി​ൽ തെ​ര​ഞ്ഞെ​ടു​പ്പ്​ ന​ട​ക്കാ​നി​രി​ക്കെ​യാ​ണ്​ മു​സ്​​ലിം വി​ദ്വേ​ഷം പ്ര​ച​രി​പ്പി​ക്കു​ന്ന ന​ട​പ​ടി. മം​ഗ​ളൂ​രു നോ​ർ​ത്ത്​ നി​യ​മ​സ​ഭ മ​ണ്ഡ​ല​ത്തി​ലാ​ണ്​ മു​ൽ​കി പ്ര​ദേ​ശം. ബി.​ജെ.​പി​യു​ടെ സി​റ്റി​ങ്​ എം.​എ​ൽ.​എ ഭ​ര​ത്​ ഷെ​ട്ടി ത​​ന്നെ​യാ​കും ഇ​ത്ത​വ​ണ​യും സ്ഥാ​നാ​ർ​ഥി. മു​ഹ്​​യി​ദ്ദീ​ൻ ബാ​വ, ഇ​നാ​യ​ത്ത്​ അ​ലി എ​ന്നി​വ​രെ​യാ​ണ്​ കോ​ൺ​ഗ്ര​സ്​ പ​രി​ഗ​ണി​ക്കു​ന്ന​ത്.