കണ്ണൂരില്‍ ഒമ്പത്​ വയസ്സുകാരിയെ മാതാവ്​ കഴുത്തുഞെരിച്ച്​ കൊന്നു

കണ്ണൂർ: കണ്ണൂർ ചാലാട്​ കു​ഴി​ക്കു​ന്നി​ല്‍ ഒമ്പത്​ വയസ്സുകാരിയെ മാതാവ്​ കഴുത്തുഞെരിച്ച്​ കൊന്നു. താളിക്കാവ്​ കുഴിക്കുന്ന്​ റോഡിലെ രാജേഷിന്റെ മകൾ അവന്തികയാണ്​ മരിച്ചത്​. സംഭവത്തിൽ കുട്ടിയുടെ മാതാവ്​ വാഹിദയെ കണ്ണൂർ ടൗൺ പോലീസ്​ കസ്​റ്റഡിയിലെടുത്തു. ഇവർ മാനസികാസ്വാസ്ഥ്യത്തെ തുടർന്ന്​ മരുന്ന്​ കഴിച്ചുവരുകയാണെന്ന്​ പൊലീസ്​ പറഞ്ഞു.[www.malabarflash.com]

ഞായറാഴ്​ച രാവിലെ എട്ടരയോടെയാണ്​​ സംഭവം. അമ്മയും കുഞ്ഞുമുള്ള മുറി ഏറെനേരം അടച്ചനിലയിൽ കണ്ടതോടെ രാജേഷും നാട്ടുകാരും ചേർന്ന്​ വാതിൽ ചവിട്ടിത്തുറക്കു​കയായിരുന്നു. കിടക്കയിൽ അവശനിലയിൽ കണ്ടെത്തിയ കുട്ടിയെ ഉടൻ കണ്ണൂരിലെ ആശുപത്രിയിൽ എത്തി​ച്ചെങ്കിലും മരിച്ചു. മരണത്തിൽ ദുരൂഹതയുണ്ടെന്ന നാട്ടുകാരുടെ ആരോപണത്തെ തുടർന്ന്​ രാജേഷ്​ ടൗൺ പോലീസിൽ പരാതിപ്പെടുകയായിരുന്നു.

വാഹിദയെ ചോദ്യം ചെയ്​തപ്പോഴാണ്​​ കൊലപാതകമാണെന്ന്​ തെളിഞ്ഞത്​. അസുഖബാധിതയായ ത​ന്റെ മരണശേഷം മകൾ തനിച്ചാകുമെന്ന ചിന്തയെ തുടർന്നാണ്​ കുഞ്ഞി​നെ കൊന്നതെന്ന്​ വാഹിദ പോലീസിനോട്​ സമ്മതിച്ചു. ഗൾഫിലായിരുന്ന രാജേഷ്​ നാട്ടിലെത്തിയശേഷമാണ്​ ഏകമകൾക്കും ഭാര്യക്കുമൊപ്പം കു​ഴി​ക്കു​ന്നി​ലെ വീട്ടിൽ താമസം തുടങ്ങിയത്​.

തലശ്ശേരി സ്വദേശിയായ വാഹിദയുടെ കുടുംബം വർഷങ്ങളായി കുടകിലാണ്​ താമസം. കുട്ടിയുടെ മൃതദേഹം പരിയാരം ഗവ. മെഡിക്കൽ കോളജ്​ ആശുപത്രിയിലേക്ക്​ മാറ്റി.