NEWS UPDATE

6/recent/ticker-posts

ഭാര്യയുടെ മരണം; പ്രമുഖ യൂട്യൂബർ അറസ്​റ്റിൽ

മുംബൈ: ഭാര്യയുടെ മരണവുമായി ബന്ധപ്പെട്ട്​ പ്രമുഖ യൂട്യൂബറായ ജിതേന്ദ്ര അഗർവാളിനെ (ജിത്തു ജാൻ) പോലീസ്​ അറസ്​റ്റ്​ ചെയ്​തു. ജിത്തുവിന്റെ ഭാര്യ കോമൾ അഗർവാളിനെ വീട്ടിലെ സീലിങ്​ ഫാനിൽ തൂങ്ങിമരിച്ച നിലയിൽ കാണപ്പെട്ടിരുന്നു. കോമളിനെ ഭർത്താവ്​ കൊലപ്പെടുത്തിയതാണെന്നായിരുന്നു ബന്ധുക്കളുടെ ആരോപണം.[www.malabarflash.com]


കോമളിനെ ആശുപത്രിയിൽ എത്തിച്ചെങ്കിലും മരിച്ചിരുന്നു. അപകടമരണമെന്ന നിലയിലായിരുന്നു ആദ്യം പോലീസ്​ കേസ്​ രജിസ്​റ്റർ ചെയ്​തത്​. എന്നാൽ മരിച്ച സ്​ത്രീയുടെ മാതാവും സഹോദരിയും നൽകിയ പാരാതികളുടെ അടിസ്​ഥാനത്തിൽ ഇന്ത്യൻ ശിക്ഷ നിയമത്തിലെ 304, 306, 506 വകുപ്പുകൾ ചേർത്താണ്​ പ്രതിക്കെതിരെ കേസ് എടുത്തത്​.

മാർച്ച്​ നാലിനാണ്​ കോമൾ ജിതേന്ദ്രക്കൊപ്പം വീടുവിട്ടിറങ്ങിയത്​. ശേഷം മാതാപിതാക്കളുടെ എതിർപ്പ്​ വകവെക്കാതെ ഇരുവരും വിവാഹിതരായി. വീട്ടുജോലിയുടെ പേരിൽ ജിതേന്ദ്ര കോമളിനെ നിരന്തരം ഉപദ്രവിക്കുമായിരുന്നുവെന്ന്​ മാതാവ്​ പറഞ്ഞു.

ഗാർഹിക പീഡനത്തിനെ കുറിച്ച്​ സഹോദരി പ്രിയയോട്​ പരാതിപ്പെടരുതെന്ന്​ പ്രതി കോമളിനെ ഭീഷണിപ്പെടുത്തിയിരുന്നു. മൂന്ന്​ തവണ അവർ സഹോദരിയെ വിളിച്ച്​ മർദ്ദനത്തെ കുറിച്ച്​ പറഞ്ഞു. ഒരിക്കൽ അവർ വീട്​വിട്ടിറങ്ങുകയും ചെയ്​തു.

'എന്റെ സഹോദരിയെ ശാരീരികമായി ഇങ്ങ​നെയും പീഡിപ്പിച്ച ജിതേന്ദ്ര അവളെ കൊല്ലാനും മടിക്കില്ലെന്ന്​ ഉറപ്പാണ്' -പ്രിയ പറഞ്ഞു. കോമളിനെ തൂങ്ങി മരിച്ച നിലയിൽ കാണപ്പെട്ടതായി പോലീസാണ്​ കുടുംബത്തെ അറിയിച്ചത്​. ഉടൻ തന്നെ ബന്ധുക്കൾ ജിതേന്ദ്രയാണ്​ മരണത്തിന്​ ഉത്തരവാദിയെന്ന്​ ആരോപണമുയർത്തിയിരുന്നു.

Post a Comment

0 Comments