മൻസൂർ വധം: പോലീസ്​ നടപടി ഏകപക്ഷീയമെന്നാരോപിച്ച്​ സമാധാനയോഗത്തിൽ നിന്ന്​ യു.ഡി.എഫ്​ നേതാക്കൾ ഇറങ്ങിപ്പോയി

കണ്ണൂർ: പാനൂർ പു​ല്ലൂ​ക്ക​ര​യി​ൽ ലീഗ്​ പ്രവർത്തകൻ കൊല്ലപ്പെട്ട സംഭവത്തിന്‍റെ പശ്ചാത്തലത്തിൽ നടത്തിയ സമാധാനയോഗത്തിൽ നിന്ന്​ യു.ഡി.എഫ്​ നേതാക്കൾ ഇറങ്ങിപ്പോയി.[www.malabarflash.com]

മേഖലയിലെ സംഘര്‍ഷാവസ്ഥ കണക്കിലെടുത്താണ്​ ജില്ലാ കലക്ടര്‍ സമാധാനയോഗം വിളിച്ചത്​. രാവിലെ 11 മണിക്ക് കലക്ടറേറ്റിൽ തുടങ്ങിയ യോഗത്തിൽ നിന്നാണ്​ പോലീസ്​ നടപടി ഏകപക്ഷീയമായ നടപടി സ്വീകരിക്കുന്നുവെന്നാരോപിച്ച്​ യു.ഡി.എഫ്​ നേതാക്കൾ ഇറങ്ങിപ്പോയത്​.

ഡി.വൈ.എഫ്​.ഐ നേതാവ്​ ആയുധം വിതരണം നടത്തി​യിട്ടും നടപടിയെടുത്തില്ല. സമാധാന​യോഗത്തിനെത്തിയത്​ കൊലയാളികളുടെ നേതാക്കളെന്നും യു.ഡി.എഫ്​ നേതാക്കൾ ആരോപിച്ചു​. കടുത്ത പ്രക്ഷോഭത്തിലേക്ക്​ പോകുകയാണെന്നും അവർ മാധ്യമങ്ങളോട്​ പറഞ്ഞു.