NEWS UPDATE

6/recent/ticker-posts

Header Ads Widget

ads header

ആ ചെറുകിളിയുടെ മുട്ടകൾ വിരിഞ്ഞിരിക്കുന്നു; വിഡിയോ പങ്കുവെച്ച്​ ശൈഖ്​ ​ഹംദാൻ

ദുബൈ: കഴിഞ്ഞയാഴ്​ച സോഷ്യൽ മീഡിയയിലെ താരം ഒരു ചെറുകിളിയായിരുന്നു. ദുബൈ കിരീടാവകാശിയും എക്​സിക്യൂട്ടീവ്​ കൗൺസിൽ ചെയർമാനുമായ ശൈഖ്​ ഹംദാന്റെ കോടികൾ വിലമതിക്കുന്ന ബെൻസിൽ കൂടുകൂട്ടിയ കിളിയുടെ വീഡിയോ വൈറലായിരുന്നു. [www.malabarflash.com]

മുട്ടയിട്ട്​ അടയിരുന്ന ഈ കിളിയെ ശല്യപ്പെടുത്താതിരിക്കാൻ ബെൻസ്​ പുറത്തിറക്കാതിരുന്ന ശൈഖ്​ ഹംദാന്റെ മനസിനെ ലോകം മുഴുവൻ പുകഴ്​ത്തുകയും ചെയ്​തു.
ഇപ്പോഴിതാ ആ ചെറുകിളിയുടെ മുട്ടകൾ വിരിഞ്ഞിരിക്കുന്നു. രണ്ട്​ കുഞ്ഞിക്കിളികൾ ഉണ്ടായതിന്റെ ദൃശ്യങ്ങൾ ശൈഖ്​ ഹംദാൻ തന്നെതാണ്​ ട്വിറ്ററിലൂടെ പങ്കുവെച്ചത്​. 80 സെക്കൻഡ്​ ദൈർഘ്യമുള്ള വിഡിയോയിൽ കുഞ്ഞുങ്ങൾ വിരിഞ്ഞതിന്​ മുൻപുള്ള ദൃശ്യങ്ങളും ശേഷമുള്ള ദൃശ്യങ്ങളും അമ്മക്കിളിയുടെ ലാളനയുമെല്ലാം കാണാം. 

ചില സമയങ്ങളിൽ ജീവിതത്തിലെ ചെറിയ കാര്യങ്ങൾ പോലും വിലമതിക്കാനാവാത്തതാണ്​ എന്ന കമന്റോടെയാണ്‌  ഹംദാൻ ഇത്​ ട്വിറ്ററിൽ പോസ്​റ്റ്​ ചെയ്​തിരിക്കുന്നത്​.
മൃഗങ്ങളോടും പക്ഷികളോടും കരുണ കാണിക്കുന്നതിലൂടെ ഇതിനുമുമ്പും കൈയടി നേടിയിട്ടുള്ള ഹംദാന്റെ  പുതിയ വിഡിയോയും ലോകം ഏറ്റെടുത്തിരിക്കുകയാണ്​. തന്റെ  പ്രിയ വാഹനമായ മെഴ്​സിഡസ്​ ബെൻസ്​ ജി63ന്റെ  ബോണറ്റിൽ കൂടു കൂട്ടിയ കിളിയെ ആരും ശല്യപ്പെടുത്തരുമെന്നും ഹംദാൻ നിർദേശിച്ചിരുന്നു.

Post a Comment

0 Comments