പത്തുമിനിറ്റിൽ കൊറോണ കണ്ടെത്തുന്ന ഉപകരണം വ്യാഴാഴ്​ച കുവൈത്തിലെത്തും

കുവൈത്ത്​ സിറ്റി: പത്തുമിനിറ്റ്​ കൊണ്ട്​ മനുഷ്യരിലെ കൊറോണ വൈറസ്​ സാന്നിധ്യം കണ്ടെത്തുന്ന ഉപകരണം കുവൈത്ത്​ ഇറക്കുമതി ചെയ്യുന്നു.[www.malabarflash.com]

ആരോഗ്യ മന്ത്രാലയത്തിലെ മരുന്ന്​ നിയന്ത്രണ വിഭാഗം അസിസ്​റ്റൻറ്​ അണ്ടർ സെക്രട്ടറി ഡോ. അബ്​ദുല്ല അൽ ബദർ ട്വിറ്ററിലൂടെ അറിയിച്ചതാണ്​ ഇക്കാര്യം. അടുത്ത വ്യാഴാഴ്​ച ഇത്​ രാജ്യത്തെത്തും. ഞായറാഴ്​ച മുതൽ​ ഉപയോഗിച്ചുതുടങ്ങും.

വിമാനത്താവളത്തിൽ യാത്രക്കാരെ പരിശോധിക്കാൻ പത്തുമിനിറ്റിനുള്ളിൽ ഫലം അറിയുന്ന ഉപകരണം​ ഉപയോഗിക്കുമെന്ന്​ ആരോഗ്യ മന്ത്രാലയം നേരത്തെ വ്യക്​തമാക്കിയിരുന്നു. 

വിരൽ വലിപ്പത്തിലുള്ള ഉപകരണം എത്ര എണ്ണമാണ്​ എത്തിക്കുന്നതെന്ന്​ അധികൃതർ വ്യക്​തമാക്കിയിട്ടില്ല. നിരവധി പേരുടെ വൈറസ്​ പരിശോധന പെട്ടെന്ന്​ പൂർത്തിയാക്കാൻ പുതിയ ഉപകരണത്തി​ൻറെ വരവോടെ കഴിയുമെന്നാണ്​ പ്രതീക്ഷ.