കുടുംബത്തിലെ നാലുപേർ തൂങ്ങിമരിച്ച നിലയിൽ

കൊ​ടു​ങ്ങ​ല്ലൂ​ർ: ന​ഗ​ര​സ​ഭ പ​രി​ധി​യി​ലെ പു​ല്ലൂ​റ്റ് കോ​ഴി​ക്ക​ട​യി​ൽ കു​ടും​ബ​ത്തി​ലെ നാ​ലു​പേ​രെ വീ​ടി​നു​ള്ളി​ൽ തൂ​ങ്ങി മ​രി​ച്ച നി​ല​യി​ൽ ക​ണ്ടെ​ത്തി. പു​ല്ലൂ​റ്റ്​ കോ​ഴി​ക്ക​ട സെന്ററിന് സ​മീ​പം താ​മ​സി​ക്കു​ന്ന തൈ​പ​റ​മ്പി​ൽ വി​നോ​ദ് (45), ഭാ​ര്യ ര​മ (43), മ​ക​ൾ ന​യ​ന (17), മ​ക​ൻ നീ​ര​ജ് (ഒ​മ്പ​ത്) എ​ന്നി​വ​രാ​ണ് മ​രി​ച്ച​ത്.[www.malabarflash.com] 

വി​നോ​ദ്​ വീ​ടിന്റെ  ഹാ​ളി​ലെ ഫാ​നി​ന്റെ  ഹു​ക്കി​ലും മ​ക്ക​ൾ അ​തേ ഹാ​ളി​ലെ ജ​ന​ലി​ലും ഭാ​ര്യ മു​റി​യി​ലെ ജ​ന​ലി​ലും തൂ​ങ്ങി മ​രി​ച്ച നി​ല​യി​ലാ​ണെ​ന്ന്​ പോലീസ്​ പ​റ​ഞ്ഞു.

ഞാ​യ​റാ​ഴ്ച വൈ​കീ​ട്ട് നാലോടെ​യാ​ണ്​ നാ​ടി​നെ ന​ടു​ക്കി​യ സം​ഭ​വം പു​റ​ത്ത​റി​ഞ്ഞ​ത്. മൃ​ത​ദേ​ഹ​ങ്ങ​ൾ അ​ഴു​കി ദു​ർ​ഗ​ന്ധം വ​മി​ക്കു​ന്ന നി​ല​യി​ലാ​യി​രു​ന്നു. ‘എ​ല്ലാ​വ​രും ക്ഷ​മി​ക്ക​ണം -മാ​പ്പ്. തെ​റ്റ്​ ചെ​യ്യു​ന്ന​വ​ർ​ക്ക് മാ​പ്പി​ല്ല’ എ​ന്നെ​ഴു​തി​യ കു​റി​പ്പ് പോലീ​സ് ക​ണ്ടെ​ടു​ത്തു.
ര​മയെ മൂ​ന്ന് ദി​വ​സ​മാ​യി ഫോ​ണി​ൽ വി​ളി​ച്ച്​​ കി​ട്ടാ​താ​യ​പ്പോ​ൾ സ​ഹോ​ദ​രി ല​ത അ​​ന്വേ​ഷി​ച്ച്​ എ​ത്തി​യി​രു​ന്നു. വീ​ട്​ അ​ട​ച്ചി​ട്ട​താ​യി ക​ണ്ടു. ഞാ​യ​റാ​ഴ്ച ഉ​ച്ച​തി​രി​ഞ്ഞ് ദു​ർ​ഗ​ന്ധം പു​റ​ത്തേ​ക്ക് വ​രാ​ൻ തു​ട​ങ്ങി​യ​തോ​ടെ സം​ശ​യം തോ​ന്നി​യ പ്ര​ദേ​ശ​വാ​സി​ക​ൾ പോലീ​സി​നെ അ​റി​യി​ച്ചു. പോലീ​സിന്റെ  പ​രി​ശോ​ധ​ന​യി​ലാ​ണ്​ മൃ​ത​ദേ​ഹ​ങ്ങ​ൾ ക​ണ്ട​ത്.

വെ​ള്ളി​യാ​ഴ്ച മു​ത​ൽ ഇ​വ​രെ​ക്കു​റി​ച്ച് വി​വ​ര​മില്ലെന്ന്​ പ്ര​ദേ​ശ​വാ​സി​ക​ൾ പ​റ​ഞ്ഞു. ക​ഴി​ഞ്ഞ വ്യാ​ഴാ​ഴ്​​ച രാ​ത്രി​യാ​ണ് മ​ര​ണം ന​ട​ന്ന​തെ​ന്ന് ക​രു​തു​ന്നു. വെ​ള്ളി​യാ​ഴ്​​ച മു​ത​ലു​ള്ള പ​ത്രം എ​ടു​ക്കാ​തെ കി​ട​പ്പു​ണ്ടാ​യി​രു​ന്നു.

വി​നോ​ദ് ഡി​സൈ​ൻ പ​ണി​ക്കാ​ര​നും ര​മ കൊ​ടു​ങ്ങ​ല്ലൂ​ർ വ​ട​ക്കേ​ന​ട​യി​ലെ സ്​​റ്റേ​ഷ​ന​റി ക​ട ജീ​വ​ന​ക്കാ​രി​യു​മാ​ണ്. മ​ക​ൾ ക​രൂ​പ്പ​ട​ന്ന ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ്ല​സ്​ ടു​വി​ലും മ​ക​ൻ പു​ല്ലൂ​റ്റ്​ ലേ​ബ​ർ എ​ൽ.​പി സ്കൂ​ളി​ൽ നാ​ലാം ക്ലാ​സി​ലും പ​ഠി​ക്കു​ക​യാ​ണ്.

റൂ​റ​ൽ ജി​ല്ല പോലീ​സ് സൂ​പ്ര​ണ്ട് കെ.​പി. വി​ജ​യ​കു​മാ​ര​ൻ, ഇ​രി​ങ്ങാ​ല​ക്കു​ട ഡി​വൈ.​എ​സ്.​പി ഫേ​മ​സ് വ​ർ​ഗീ​സ്, കൊ​ടു​ങ്ങ​ല്ലൂ​ർ സി.​ഐ പി.​കെ. പ​ത്മ​രാ​ജ​ൻ, എ​സ്.​ഐ ഇ.​ആ​ർ. ബൈ​ജു എ​ന്നി​വ​രു​ടെ നേ​തൃ​ത്വ​ത്തി​ൽ പോലീ​സ് സ്ഥ​ല​ത്തെ​ത്തി.

ഇ​ൻ​ക്വ​സ്​​റ്റ്​ ഉ​ൾ​പ്പെ​ടെ​യു​ള്ള ന​ട​പ​ടി​ക്ര​മ​ങ്ങ​ൾ തി​ങ്ക​ളാ​ഴ്ച ന​ട​ക്കു​മെ​ന്ന് പോലീ​സ് പ​റ​ഞ്ഞു. വി.​ആ​ർ. സു​നി​ൽ​കു​മാ​ർ എം.​എ​ൽ.​എ, ന​ഗ​ര​സ​ഭ ചെ​യ​ർ​മാ​ൻ കെ.​ആ​ർ. ജൈ​ത്ര​ൻ, വാ​ർ​ഡ് കൗ​ൺ​സി​ല​ർ ക​വി​ത മ​ധു ഉ​ൾ​പ്പെ​ടെ​യു​ള്ള ജ​ന​പ്ര​തി​നി​ധി​ക​ളും എ​ത്തി​യി​രു​ന്നു. ദു​ര​ന്ത വി​വ​രം അ​റി​ഞ്ഞ്​ സ്ഥ​ല​ത്ത്​ വ​ൻ ജ​ന​ക്കൂ​ട്ട​മാ​ണ്​ എ​ത്തി​യ​ത്.