ജൂലൈയിൽ അവധി കഴിഞ്ഞ് ഫെക്ക് ജില്ലയിലേക്ക് മടങ്ങിയെത്തിയ അസം റൈഫിൾസ് ഉദ്യോഗസ്ഥനാണ് ആദ്യമായി ചെങ്കണ്ണ് റിപ്പോർട്ട് ചെയ്തതെന്ന് നാഷണൽ പ്രോഗ്രാം ഫോർ കൺട്രോൾ ഓഫ് ബ്ലൈൻഡ്‌നെസ് ആൻഡ് വിഷ്വൽ ഇംപെയർമെന്റ് (എൻപിസിബിവിഐ) സംസ്ഥാന പ്രോഗ്രാം ഓഫീസർ ഡോക്ടർ ഹോയ്‌റ്റോ സെമ പിടിഐയോട് പറഞ്ഞു.
ജൂലൈ 1 മുതൽ സംസ്ഥാനത്ത് ഇതുവരെ 1,006 കേസുകൾ റിപ്പോർട്ട് ചെയ്യപ്പെട്ടു, ഇത് സമീപകാല ചരിത്രത്തിലെ ഏറ്റവും ഉയർന്ന നിരക്കാണെന്നും അദ്ദേഹം പറഞ്ഞു.
ദിമാപൂരിൽ 721 പേർക്കാണ് ചെങ്കണ്ണ് പിടിപെട്ടത്. കൊഹിമയിൽ 198, മൊകോക്ചുങ് 87 എന്നിങ്ങനെയാണ് രോഗബാധിതർ. നിരവധി ജില്ലാ ആശുപത്രികൾ ഇനിയും റിപ്പോർട്ട് സമർപ്പിക്കാത്തതിനാൽ കേസുകളുടെ എണ്ണം ഉയരാൻ സാധ്യതയുണ്ടെന്ന് സെമ പറഞ്ഞു.
സ്കൂളുകൾ അടച്ചുപൂട്ടുന്നതായി പ്രഖ്യാപിച്ച്, ചുമുകെഡിമ, ദിമാപൂർ, ന്യൂലാൻഡ് ഡെപ്യൂട്ടി കമ്മീഷണർമാർ വെവ്വേറെ ഉത്തരവുകളിൽ പറഞ്ഞു, പ്രത്യേകിച്ച് കുട്ടികളിൽ ചെങ്കണ്ണ് കേസുകൾ വർദ്ധിച്ചുകൊണ്ടിരിക്കുന്നതിനാലാണിതെന്നും വ്യക്തമാക്കി. ആരോഗ്യ വകുപ്പിലെയും സ്കൂൾ വിദ്യാഭ്യാസ വകുപ്പിലെയും ഉദ്യോഗസ്ഥരുമായി കൂടിയാലോചിച്ച ശേഷമാണ് സ്കൂളുകൾ അടയ്ക്കാൻ തീരുമാനമായത്. അതേസമയം സ്കൂളുകൾ അടച്ചെങ്കിലും ഓൺലൈൻ ക്ലാസുകൾ തുടരണമെന്ന് അധികൃതർ സ്കൂളുകൾക്ക് നിർദേശം നൽകി.
Post a Comment