സൂറത്ത്കല്ലില്‍ യുവാവിനെ വെട്ടിക്കൊന്നു

മംഗളൂരു: സൂറത്ത്കല്ലില്‍ യുവാവിനെ വെട്ടി കൊലപ്പെടുത്തി. നെട്ടങ്ങാടി കാട്ടിപ്പള്ള നാലാം ബ്ലോക്കിൽ താമസിക്കുന്ന ജലീൽ (45) എന്നയാളാണ് കൊല്ലപ്പെട്ടതെന്ന് പോലീസ് അറിയിച്ചു. ശനിയാഴ്ച രാത്രിയുണ്ടായ ആക്രമണത്തിന് പിന്നിലെ കാരണം അറിവായിട്ടില്ല.[www.malabarflash.com]

ശനിയാഴ്ച വൈകുന്നേരം തന്‍റെ കടയുടെ മുന്നിൽ നിൽക്കുമ്പോഴാണ് ജലീലിന് വെട്ടേറ്റത്. ഉടന്‍ ജലീലിനെ ആശുപത്രിയിലെത്തിെച്ചങ്കിലും ജീവന്‍ രക്ഷപ്പെടുത്താനായില്ല.

കഴിഞ്ഞ ജൂലൈയിൽ ഇത്തരത്തിൽ മുഹമ്മദ് ഫൈസൽ എന്ന യുവാവും ഇവിടെ കൊല്ലപ്പെട്ടിരുന്നു.

യുവാവിന്റെ കൊലപാതകത്തെ തുടർന്ന്  ഞായറാഴ്ച രാവിലെ 6 മണി മുതൽ  ചൊവ്വ 6 മണി വരെ സൂറത്ത്കൽ, ബജ്‌പെ, കാവൂർ, പനമ്പൂർ എന്നീ പ്രദേശങ്ങളിൽ സിറ്റി പോലീസ് സെക്ഷൻ 144 പ്രകാരം നിരോധനാജ്ഞ പ്രഖ്യാപിച്ചു.

ഇതേ കാലയളവിൽ ഈ പ്രദേശങ്ങളിൽ മദ്യവിൽപ്പന നിരോധിച്ച് സിറ്റി പോലീസ് കമ്മീഷണർ എൻ ശശി കുമാറും ഉത്തരവിട്ടിട്ടുണ്ട്.
കൂടാതെ, ക്രമസമാധാന പാലനത്തിനായി ഡിസംബർ 25, ഡിസംബർ 26 തീയതികളിൽ ഈ മേഖലകളിൽ വ്യവസായങ്ങൾ നടത്തുന്നതിന് നിയന്ത്രണങ്ങൾ ഏർപ്പെടുത്തുമെന്ന് സിറ്റി പോലീസ് മേധാവി ഉത്തരവിൽ അറിയിച്ചു. ഉത്തരവ് പ്രകാരം, വ്യവസായ, വ്യാപാര, വാണിജ്യ സ്ഥാപനങ്ങളിലെ തൊഴിലാളികൾ ഞായർ, തിങ്കൾ ദിവസങ്ങളിൽ വൈകുന്നേരം 6 മണിക്ക് മുമ്പായി കടകൾ അടച്ചിടാനും ഉദ്യോഗസ്ഥരുടെ സഞ്ചാരം വൈകുന്നേരം 6 നും അടുത്ത ദിവസം രാവിലെ 6 നും ഇടയിൽ നിയന്ത്രിക്കാനും ഉത്തരവിട്ടിട്ടുണ്ട്.