കഴിഞ്ഞ മാസമാണ് ഇരുവരും വിവാഹിതരാകുകയാണെന്ന വാർത്ത പുറത്തുവന്നത്. ബാലസംഘം, എസ്.എഫ്.ഐ തുടങ്ങിയ സംഘടനകളില്‍ സഹപ്രവര്‍ത്തകരായിരുന്നു ഇരുവരും. അപ്പോഴുണ്ടായ സൗഹൃദമാണ് ഇപ്പോൾ വിവാഹത്തിലെത്തിയത്. സചിന്‍ എസ്.എഫ്.ഐ സംസ്ഥാന സെക്രട്ടറിയും പാര്‍ട്ടി കോഴിക്കോട് ജില്ല കമ്മിറ്റി അംഗവുമാണ്.
ആര്യ എസ്.എഫ്.ഐ സംസ്ഥാനസമിതിയംഗവും പാര്‍ട്ടി ചാല ഏരിയ കമ്മിറ്റി അംഗവുമാണ്. ഏറ്റവും പ്രായം കുറഞ്ഞ മേയര്‍ എന്ന ഖ്യാതിയോടെ തിരുവനന്തപുരം മേയറായി ചുമതലയേറ്റ ആര്യ ഓള്‍ സെയിന്റ്‌സ് കോളേജില്‍ വിദ്യാര്‍ഥിയായിരിക്കെയാണ് തെരഞ്ഞെടുപ്പില്‍ മത്സരിച്ച് വിജയിച്ചത്. കഴിഞ്ഞ നിയമസഭ തെരഞ്ഞെടുപ്പില്‍ ബാലുശ്ശേരിയിൽ ആദ്യമായി മത്സരിച്ച് വിജയിച്ച സചിന്‍ 15ാം സഭയിലെ ഏറ്റവും പ്രായം കുറഞ്ഞ അംഗമാണ്.
0 Comments