തിരിച്ചടിച്ച് യുഎഇ, എഫ്-16 പോർവിമാനങ്ങൾ ഹൂതികളുടെ മിസൈൽ ലോഞ്ചർ തകർത്തു

അബുദാബി: തിങ്കളാഴ്ച രാവിലെ അബുദാബിയിൽ ആക്രമണത്തിനു ശ്രമിച്ച ഹൂതികൾക്കു നേരെ ശക്തമായ വ്യോമാക്രമണം. യുഎഇയുടെ അത്യാധുനിക പോർവിമാനങ്ങൾ ഹൂതികളുടെ ബാലിസ്റ്റിക് മിസൈൽ ലോഞ്ചറുകൾ വ്യോമാക്രമണത്തിൽ തകർക്കുകയായിരുന്നു. ഇതിന്റെ വിഡിയോ പ്രതിരോധ മന്ത്രാലയം പുറത്തുവിട്ടിട്ടുണ്ട്.[www.malabarflash.com]

തിങ്കളാഴ്ച രാവിലെ അബുദാബിയിലേക്ക് മിസൈലുകൾ തൊടുക്കാൻ ഉപയോഗിച്ച മിസൈൽ ലോഞ്ചറുകളും അനുബന്ധ സംവിധാനങ്ങളുമാണ് യുഎഇയുടെ എഫ്–16 യുദ്ധവിമാനങ്ങൾ തകർത്തത്. 

യെമനിലെ ഹൂതികളുടെ നിയന്ത്രണത്തിലുള്ള സനയ്ക്ക് പുറത്തുള്ള അൽ ജൗഫിൽ ആണ് എഫ്-16 ജെറ്റുകൾ നടത്തിയത്. അബുദാബിയിൽ നിന്ന് ഏകദേശം 1500 കിലോമീറ്റർ തെക്ക് അകലെയാണ് അൽ ജൗഫ്.