റിമാണ്ടിലായ പ്രതി അഭിഭാഷകന് മുഖേന ജില്ലാ കോടതിയില് ജാമ്യാപേക്ഷ നല്കി. ജാമ്യാപേക്ഷയുമായി ബന്ധപ്പെട്ട നടപടികളുടെ ഭാഗമായി രവിരാജിനെ ചൊവ്വാഴ്ച മംഗളൂരു ജില്ലാ കോടതിയില് ഹാജരാക്കിയിരുന്നു. ജാമ്യാപേക്ഷയില് വിധിപറയുന്നത് കോടതി മറ്റൊരു ദിവസത്തേക്ക് മാറ്റിവെച്ചു. ആറാംനിലയിലുള്ള കോടതി ഹാളില് നിന്ന് വരാന്തയിലേക്ക് വന്ന രവിരാജ് പൊടുന്നനെ താഴേക്ക് ചാടുകയായിരുന്നു.
തലയ്ക്ക് ഗുരുതരമായി പരിക്കേറ്റ യുവാവിനെ ആസ്പത്രിയില് പ്രവേശിപ്പിച്ചെങ്കിലും പിന്നീട് മരണം സംഭവിച്ചു. തനിക്കെതിരെ വ്യാജപോക്സോ കേസാണ് രജിസ്റ്റര് ചെയ്തതെന്ന് രവിരാജ് പറഞ്ഞിരുന്നുവെന്നും കേസില് പ്രതിയായതോടെ ഇയാള് കടുത്ത മാനസികസമ്മര്ദ്ദത്തിലായിരുന്നുവെന്നും ബാര് കൗണ്സില് പ്രസിഡണ്ട് അഡ്വ. സച്ചിന് പറഞ്ഞു.
രവിരാജിന് ജാമ്യം കിട്ടുന്നതിനുവേണ്ടിയുള്ള ശ്രമം തുടരുന്നതിനിടെയാണ് ആത്മഹത്യയെന്നും അദ്ദേഹം വ്യക്തമാക്കി. മംഗളൂരുവിലെ കോടതി സമുച്ചയത്തില് നടക്കുന്ന രണ്ടാമത്തെ ആത്മഹത്യയാണിത്. കുറച്ച് വര്ഷങ്ങള്ക്ക് മുമ്പ് മറ്റൊരു പ്രതി മംഗളൂരു കോടതിയുടെ മൂന്നാം നിലയില് നിന്ന് ചാടി ജീവനൊടുക്കിയിരുന്നു.
0 Comments