ജൂൺ 26ന് റഹ്മത്ത് നഗറിലെ ആളൊഴിഞ്ഞ വീട്ടില്‍വച്ച് പെൺകുട്ടിയെ ലൈംഗികമായി പീഡിപ്പിച്ചതിനാണ് പോലീസ് ആദ്യം കേസെടുത്തത്. തുടർന്ന് ജൂലൈ അഞ്ചിന് കേസിൽ പ്രതികളായ 4 പേരെ പോലീസ് അറസ്റ്റ് ചെയ്തു. കുട്ടിയുടെ മൊഴിയുടെ അടിസ്ഥാനത്തിൽ പിന്നീട് 5 പേർ കൂടി അറസ്റ്റിലായി.
പെൺകുട്ടിയുടെ രഹസ്യമൊഴിയെടുക്കുകയും പ്രതികളെ വിശദമായി ചോദ്യം ചെയ്തതോടെയുമാണ് മാതാപിതാക്കളുടെ പങ്കിനെക്കുറിച്ച് പോലീസിന് വിവരം ലഭിക്കുന്നത്. കുട്ടി പീഡനത്തിനിരയായത് മാതാപിതാക്കൾ മറച്ചുവച്ചെന്നും പീഡനത്തിന് ഒത്താശ ചെയ്തെന്നും പോലീസ് കണ്ടെത്തി. അറസ്റ്റിലായ ഇരുവരെയും കോടതിയിൽ ഹാജരാക്കി റിമാൻഡ് ചെയ്തു.
ശിശുക്ഷേമ സമിതിയുടെ സംരക്ഷണയിലാണ് പെൺകുട്ടി ഇപ്പോൾ. കാസർകോട് വനിതാ സ്റ്റേഷനിൽ 9 കേസുകൾ റജിസ്റ്റർ ചെയ്ത് അന്വേഷണം പുരോഗമിക്കുന്നു. കേസിൽ കൂടുതൽ പേർ പ്രതികളാകാൻ സാധ്യതയുണ്ടെന്ന് പോലീസ് പറയുന്നു.
0 Comments