NEWS UPDATE

6/recent/ticker-posts

'ഭഗത്​ സിങ്' നാടകം പരിശീലിക്കുന്നതിനിടെ 10 വയസുകാരൻ കഴുത്തിൽ കുരുക്ക്​ മുറുകി മരിച്ചു

ബാദുൻ (ഉത്തർ പ്രദേശ്​): സ്വാതന്ത്ര്യ ദിനത്തിൽ അവതരിപ്പിക്കാനുള്ള 'ഭഗത്​ സിങ്​' നാടകത്തിന്‍റെ പരിശീലനത്തിനിടെ കഴുത്തിൽ കുരുക്ക്​ മുറുകി 10 വയസുകാരന്​ ദാരുണാന്ത്യം.[www.malabarflash.com]


സ്വാതന്ത്ര സമര സേനാനി ഭഗത്​ സിങ്ങിന്‍റെ കഥ പറയുന്ന നാടകത്തിന്‍റെ പരിശീലനത്തിനിടെ​ ബാദുനിലെ ബാബത്​ ഗ്രാമത്തിലെ ശിവം ആണ്​ മരിച്ചത്​. ആഗസ്റ്റ്​ 15ന്​ അവതരിപ്പിക്കാനിരുന്ന നാടകത്തിൽ ഭഗത്​ സിങ്ങിന്‍റെ വേഷമായിരുന്നു ശിവം അവതരിപ്പിക്കാനിരുന്നത്​.

സുഹൃത്തുക്കൾക്കൊപ്പം വീട്ടിൽ അഭിനയ പരിശീലനം നടത്തുകയായിരുന്നു ശിവം. ഭഗത്​ സിങ്ങിനെ തൂക്കിലേറ്റുന്ന രംഗം അവതരിപ്പിക്കാനായി സ്റ്റൂളിൽ കയറിയ ശിവം കഴുത്തിൽ കുരുക്കിട്ടു. സ്റ്റൂളിൽ നിന്ന്​ തെന്നിയതോടെ കഴുത്തിൽ കുരുക്ക്​ മുറുകുകയായിരുന്നു. അപകടം കണ്ട ഞെട്ടലിൽ കൂട്ടുകാർക്ക്​ ഒന്നും ചെയ്യാനായില്ല.

കുട്ടികളുടെ കരച്ചിൽ കേട്ട്​ ഓടിയെത്തിയ അയൽക്കാരാണ്​ ശിവം തൂങ്ങിയ നിലയിൽ ക​ണ്ടത്​. പൊലീസിൽ വിവരം അറിയിക്കാതെ ബന്ധുക്കൾ മൃതദേഹം സംസ്​കരിച്ചു. സംഭവവുമായി ബന്ധപ്പെട്ട്​ ഇതുവരെ പരാതിയൊന്നും ലഭിച്ചിട്ടില്ലെന്നാണ്​ അധികൃതർ നൽകുന്ന വിശദീകരണം.

Post a Comment

0 Comments