തിരൂർ ഡിവൈ.എസ്.പിയുടെ നേതൃത്വത്തിൽ പോലീസ് അന്വേഷണം തുടരുകയാണെങ്കിലും ഇതുവരെ തുമ്പൊന്നും ലഭിച്ചില്ല. അന്വേഷണം ക്രൈംബ്രാഞ്ചിന് കൈമാറണമെന്ന് പിതാവും ആക്ഷന്‍ കൗണ്‍സില്‍ ഭാരവാഹികളും ആവശ്യപ്പെട്ടു.
വെട്ടിച്ചിറയിലെ ഡെൻറല്‍ ക്ലിനിക്കില്‍ സഹായിയായി ജോലി ചെയ്യുന്ന സുബീറ രാവിലെ ഒമ്പതിനാണ് വീട്ടില്‍നിന്ന് ഇറങ്ങിയത്. എന്നാൽ, ജോലി സ്ഥലത്ത് എത്തിയില്ല. മൊബൈൽ ഫോണില്‍ തുടരെ വിളിച്ചെങ്കിലും എടുത്തില്ല. പിന്നീട് സ്വിച്ച് ഓഫായി.
അസ്വഭാവിക പെരുമാറ്റം എന്തെങ്കിലും ഉണ്ടായതായി ബന്ധുക്കളും വീട്ടുകാരും ഓര്‍ക്കുന്നില്ലെന്ന് പിതാവ് കബീർ പറഞ്ഞു. സുബീറയെ കുറിച്ചു വിവരം ലഭിക്കുന്നവർ 8590767384, 9605210803 ബന്ധപ്പെടണം.
വാര്‍ത്തസമ്മേളനത്തില്‍ ആക്ഷന്‍ കൗണ്‍സില്‍ ഭാരവാഹികളായ ടി. മുഹമ്മദ് ഇസ്മാഈല്‍, നാസര്‍ നെല്ലിയാളില്‍, മിസ്ഹബ് തങ്ങള്‍, പി. യാഹു, പി. ശിഹാബ് എന്നിവരും സംബന്ധിച്ചു.
Post a Comment