NEWS UPDATE

6/recent/ticker-posts

Header Ads Widget

ads header

അറബ്​ മേഖലയിൽ പുതു ചരിത്രത്തിന്​ തുടക്കം: ഇസ്രായേലുമായി ബഹ്​റൈനും യു.എ.ഇയും സമാധാന കരാറില്‍ ഒപ്പിട്ടു

വാഷിങ്ടന്‍: അറബ്​ മേഖലയിൽ പുതു ചരിത്രത്തിന്​ തുടക്കം. ബഹ്​റൈനും യു.എ.ഇയും ഇസ്രായേലുമായി നയതന്ത്ര ബന്ധം ആരംഭിക്കുന്നതിനുള്ള കരാറിൽ ഒപ്പുവെച്ചു.[www.malabarflash.com]

വാഷിങ്​ടണിൽ അമേരിക്കൻ പ്രസിഡൻറ്​ ഡോണൾഡ്​ ട്രംപിന്റെ സാന്നിധ്യത്തിലായിരുന്നു 'അബ്രഹാം ഉടമ്പടി'​ എന്ന്​ വിശേഷിപ്പിക്കപ്പെട്ട കരാറിന്റെ ഒപ്പുവെക്കൽ ചടങ്ങ്​. കരാർ ഒപ്പിടുന്നതിനുമുമ്പ്​ മൂന്ന്​ നേതാക്കളും ട്രംപുമായി കൂടിക്കാഴ്​ച നടത്തി.

ആദ്യം യു.എ.ഇ വിദേശകാര്യ മന്ത്രി ശൈഖ് അബ്​ദുല്ല ബിന്‍ സായിദ് ആല്‍ നഹ്​യാനും ഇസ്രായേൽ പ്രധാനമന്ത്രി ബിന്യമിൻ നെതന്യാഹുവും സമാധാന ഉടമ്പടിയിൽ ​ഒപ്പുവെച്ചു. തുടർന്ന്​ ബഹ്​റൈൻ വിദേശകാര്യ മന്ത്രി ഡോ. അബ്​ദുല്ലത്തീഫ് ബിന്‍ റാഷിദ് അല്‍ സയാനിയും ബിന്യമിൻ നെതന്യാഹുവും സമാധാന പ്രഖ്യാപനത്തിൽ ഒപ്പുവെച്ചു.

ഇതോടെ, ഇസ്രായേലുമായി നയതന്ത്രം പുലർത്തുന്ന അറബ്​ രാജ്യങ്ങളുടെ എണ്ണം നാലായി. ഈജിപ്​തും ജോർഡനുമാണ്​ നേരത്തെതന്നെ നയതന്ത്ര ബന്ധമുള്ള രാജ്യങ്ങൾ.

ലോകമെങ്ങുമുള്ള ഇസ്​ലാം മത വിശ്വാസികൾക്ക്​ ജറുസലമിലെ അഖ്​സ മോസ്​ക്കിൽ പ്രാർഥനക്കെത്താൻ കരാർ വഴിയൊരുക്കുമെന്ന്​ ട്രംപ്​ പറഞ്ഞു. സംഘർഷത്തിന്റെ പാതയിൽനിന്ന്​ സമാധാനത്തിന്റെ  നാളുകളിലേക്കുള്ള തുടക്കമാണ്​ കരാർ.

സമാധാനത്തിലേക്കുള്ള ചരിത്ര ദിനം എന്നാണ്​ ട്രംപ്​ ഈ ദിനത്തെ വിശേഷിപ്പിച്ചത്​. യു.എ.ഇയുടെയും ബഹ്​റൈന്റെയും പാതയിൽ കുടുതൽ രാജ്യങ്ങൾ എത്തുമെന്നും അദ്ദേഹം പറഞ്ഞു.
",

Post a Comment

0 Comments