കോവിഡ് നിയന്ത്രണങ്ങളില്‍ ഇളവ്; സര്‍ക്കാര്‍ ഓഫീസുകളില്‍ എല്ലാ ജീവനക്കാരുമെത്തണം, കേരളത്തിന് പുറത്തുനിന്ന് എത്തുന്നവര്‍ക്ക് ക്വാറന്റീന്‍ 7 ദിനം

തിരുവനന്തപുരം: കോവിഡ് നിയന്ത്രണങ്ങളില്‍ കൂടുതല്‍ ഇളവുകള്‍ പ്രഖ്യാപിച്ച് സംസ്ഥാന സര്‍ക്കാര്‍. ഹോട്ടലുകള്‍ റസ്റ്ററന്റുകള്‍ എന്നിവയിലും കൂടുതല്‍ ഇളവുകളാണ് അനുവദിച്ചിരിക്കുന്നത്. കടകളില്‍ ഇരുന്ന് ഭക്ഷണം കഴിക്കാനുള്ള പൂര്‍ണ്ണ അനുമതിയും നല്‍കിയിട്ടുണ്ട്.[www.malabarflash.com]

അതേസമയം കേരളത്തിന് പുറത്തുനിന്നു വരുന്ന മലയാളികളും സംസ്ഥാനം സന്ദര്‍ശിക്കാന്‍ എത്തുന്നവരും ഏഴ് ദിവസത്തേക്ക് നിര്‍ബന്ധമായും ക്വാറന്റീനില്‍ പ്രവേശിക്കേണ്ടതാണ്. പോകണം. ഏഴാം ദിവസം പരിശോധനാ ഫലം നെഗറ്റീവായാല്‍ അവശേഷിക്കുന്ന ഏഴു ദിവസത്തെ ക്വാറന്റീന്‍ നിര്‍ബന്ധമല്ല. 14 ദിവസത്തെ ക്വാറന്റീനാണ് ആരോഗ്യ പ്രോട്ടോകോള്‍ പ്രകാരം നിര്‍ദേശിക്കപ്പെടുന്നത്. ടെസ്റ്റ് നടത്താത്തവര്‍ 14 ദിവസത്തെ ക്വാറന്റീനില്‍ കഴിയണം. 

പൊതുമേഖലാ സ്ഥാപനങ്ങള്‍ അടക്കമുള്ള സര്‍ക്കാര്‍ ഓഫിസുകളില്‍ നൂറു ശതമാനം ജീവനക്കാരും ജോലിക്കെത്തണമെന്നും ചീഫ് സെക്രട്ടറിയുടെ ഉത്തരവില്‍ വ്യക്തമാക്കുന്നുണ്ട്.