കാസര്കോട്: നീലേശ്വരം, അഞ്ഞൂറ്റമ്പലം വീരര്കാവ് കളിയാട്ടത്തിനിടയില് ഉണ്ടായ വെടിക്കെട്ട് ദുരന്തത്തില് ഗുരുതരമായി പരിക്കേറ്റ് ചികിത്സയിലായിരുന്ന ഒരാള് കൂടി മരിച്ചു. ഇതോടെ ദുരന്തത്തില് മരിച്ചവരുടെ എണ്ണം അഞ്ചായി.[www.malabarflash.com]
അപകടത്തിൽ മരിച്ചവരുടെ കുടുംബങ്ങൾക്ക് സർക്കാർ നാല് ലക്ഷം രൂപ വീതം ധനസഹായം പ്രഖ്യാപിച്ചിരുന്നു. അപകടത്തിൽ പൊള്ളലേറ്റ നൂറോളം പേർ ഇപ്പോഴും ചികിത്സയിലാണ്. 30 ഓളം പേര് വിവിധ ആശുപത്രികളിൽ തീവ്രപരിചരണ വിഭാഗത്തിൽ ചികിത്സയിൽ തുടരുകയാണ്. ആകെ 154 പേര്ക്കാണ് അപകടത്തില് പൊള്ളലേറ്റത്.
കിണാവൂര്, മുണ്ടോട്ടെ കെ.വി റജിത്ത്(24) ആണ് ശനിയാഴ്ച രാവിലെ 9.45 മണിയോടെ മംഗ്ളൂരുവിലെ സ്വകാര്യ ആശുപത്രിയില് മരിച്ചത്. കെ.എസ്.ഇ.ബി.യില് താല്ക്കാലിക ഡ്രൈവറായി ജോലി ചെയ്തു വരികയായിരുന്നു റജി കുമാര്.
ചെറുവത്തൂര് സ്വദേശി ഷിബിന്രാജ് (19), കൊല്ലംപാറയിലെ ബിജു, കിണാവൂര് സ്വദേശി രതീഷ്, കിണാവൂര് റോഡിലെ സി. സന്ദീപ് എന്നിവരാണ് നേരത്തെ മരിച്ചത്. ഒക്ടോബര് 28ന് രാത്രിയിലാണ് വെടിക്കെട്ട് ദുരന്തം ഉണ്ടായത്.
സംഭവത്തില് എക്സ്പ്ലോസീവ് സബ്സ്റ്റന്സ് ആക്റ്റ്, ബിഎന്എസ് എന്നിവയിലെ വിവിധ വകുപ്പുകള് ചേര്ത്ത് കേസെടുത്ത് അന്വേഷണം തുടരുകയാണ്.
Post a Comment