പുതിയ ജൂപ്പിറ്റർ 125 ന്റെ ടീസർ പുറത്തിറക്കി ടിവിഎസ് മോട്ടോർ

ജയ്​പുർ: ബ്ലൂടൂത്ത്​ ഹെഡ്​ഫോൺ പൊട്ടിത്തെറിച്ച്​ യുവാവിന്​ ദാരുണാന്ത്യം. രാജസ്ഥാനിലെ ജയ്​പുർ ജില്ലയിലാണ്​ സംഭവം നടന്നത്​. യുവാവ് ബ്ലൂടൂത്ത്​ ഹെഡ്​ഫോൺ ഉപയോഗിച്ച്​ കോൾ ചെയ്യവേ അത്​ പൊട്ടിത്തെറിക്കുകയായിരുന്നു. ഉദയ്​പുരിയ ഗ്രാമത്തിലെ ചൗമു സ്വദേശിയായ രാകേഷ്​ നഗറാണ്​ മരിച്ചത്​.[www.malabarflash.com] 

പൊട്ടിത്തെറിക്ക്​ പിന്നാലെ, ഇരുചെവികൾക്കും​ പരിക്കേറ്റ രാകേഷ്​ ഹൃദയാഘാതത്തെ തുടർന്നാണ്​ മരിച്ചതെന്നും ടൈംസ്​ നൗ റിപ്പോർട്ട്​ ചെയ്യുന്നു.

ഫോണുമായി ബന്ധിപ്പിച്ച വയർലെസ്​ ഇയർഫോണിൽ സംസാരിക്കവേ, ഉപകരണം പൊട്ടിത്തെറിക്കുകയും യുവാവ്​​ അബോധാവസ്ഥയിലാവുകയും ചെയ്​തു. ഇരുചെവികൾക്കും പരിക്കേറ്റ നിലയിൽ യുവാവിനെ സിദ്ധിവിനായക്​ ആശുപത്രിയിലെത്തിച്ചെങ്കിലും ചികിത്സക്കിടെ മരണത്തിന്​ കീഴടങ്ങുകയായിരുന്നു.

'ഇത്​ ഒരുപക്ഷേ രാജ്യത്തെ ആദ്യത്തെ സംഭവമായിരിക്കും. ഇയർഫോൺ പൊട്ടിത്തെറിച്ചതിന്റെ ആഘാതത്തിൽ കുഴഞ്ഞുവീണ യുവാവ്​ ചികിത്സക്കിടെ ഹൃദയാഘാതം സംഭവിച്ചാണ്​ മരിച്ചത്," -ഡോക്ടർ എൽ.എൻ രുണ്ട്​ല പറഞ്ഞു.