NEWS UPDATE

6/recent/ticker-posts

ഗൾഫിൽവെച്ച്​ കടം വാങ്ങിയ പണത്തെ ചൊല്ലി തർക്കം; കൊല്ലത്ത്​ ഗൃഹനാഥനെ കൊന്ന്​ കുഴിച്ചുമൂടി; രണ്ടുപേർ അറസ്​റ്റിൽ

കൊല്ലം: ഓയൂരിൽ ഗൃഹനാഥനെ കൊലപ്പെടുത്തിയ ശേഷം കുഴിച്ചുമൂടി. ആറ്റൂർകോണം സ്വദേശി ഹാഷിം (56) ആണ്​ മരിച്ചത്. കൊലപാതകത്തിൽ രണ്ടുപേരെ പോലീസ്​ അറസ്റ്റ്​ ചെയ്​തു.[www.malabarflash.com]

മാർച്ച്​ 30 മുതൽ ഹാഷിമിനെ കാണാനില്ലായിരുന്നു. ബന്ധുവീട്ടിലേക്ക്​ വിളിച്ചുവരുത്തി കൊലപ്പെടുത്തി കുഴിച്ച്​ മൂടുകയായിരുന്നുവെന്നാണ്​ വിവരം. ബന്ധുവായ ഷറഫുദ്ദീൻ, നിസാം എന്നിവരെയാണ്​ അറസ്റ്റ്​ ചെയ്​തത്​. 

മദ്യം നൽകാമെന്ന്​ പറഞ്ഞ്​ വിളിച്ചു വരുത്തിയ ശേഷം കൊടുവാളു​പയോഗിച്ച്​ വെട്ടികൊലപ്പെടുത്തി കുഴിച്ച്​ മൂടുകയായിരുന്നു. ഗൾഫിൽവെച്ച്​ കടം വാങ്ങിയ പണത്തെ ചൊല്ലിയുണ്ടായ തർക്കമാണ്​ കൊലപാതകത്തിന്​ കാരണമെന്നാണ്​ വിവരം.

Post a Comment

0 Comments