NEWS UPDATE

6/recent/ticker-posts

40 ദിവസം മുമ്പ് കാണാതായ യുവതിയെ കൊന്ന്​ കുഴിച്ചിട്ട നിലയിൽ; പ്രതി പിടിയിൽ

വളാഞ്ചേരി: ആതവനാട് കഞ്ഞിപ്പുര ചോറ്റൂരിൽ കാണാതായ 21കാരി കൊല്ല​പ്പെട്ട നിലയിൽ. 40 ദിവസം മുമ്പ് ദുരൂഹ സാഹചര്യത്തിൽ കാണാതായ ചോറ്റൂർ കിഴുകപറമ്പാട്ട് കബീറി‍െൻറ മകൾ സുബീറ ഫർഹത്തിന്റെ (21) മൃതദേഹമാണ്​ ചൊവ്വാഴ്​ച കണ്ടെത്തിയത്​.[www.malabarflash.com]

വീടിനടുത്ത ചെങ്കൽ ക്വാറിക്ക് സമീപം തെങ്ങിൻ തോപ്പിൽ മണ്ണിട്ട് മൂടിയ നിലയിൽ കണ്ടെത്തിയ മൃതദേഹം പൂർണമായും തിരിച്ചറിയാൻ കഴിഞ്ഞിട്ടില്ലെങ്കിലും യുവതിയുടേത്​ തന്നെയാ​ണെന്ന​ നിഗമനത്തിലാണ്​ പോലീസ്​.

കാൽ മാത്രമാണ് ചൊവ്വാഴ്​ച കണ്ടെത്തിയത്. ബുധനാഴ്​ച രാവിലെ ബാക്കി ഭാഗം പുറത്തെടുക്കാൻ ശ്രമം തുടരും. കേസുമായി ബന്ധപ്പെട്ട്​​ ചോറ്റൂർ സ്വദേശി പറമ്പൻ അൻവറിനെ (40) തിരൂർ ഡിവൈ.എസ്.പി കെ.എസ്. സുരേഷ് ബാബുവിന്റെ നേതൃത്വത്തിൽ അന്വേഷണസംഘം അറസ്​റ്റ്​ ചെയ്തു. ഇയാൾ യുവതിയെ ശ്വാസംമുട്ടിച്ചാണ്​ കൊലപ്പെടുത്തിയതെന്നാണ്​ പോലീസിൽനിന്ന്​ ലഭിച്ച വിവരം. മൃതദേഹം ലഭിച്ച തോട്ടം നോക്കിനടത്തുന്നയാളാണ്​ പ്രതി. 

യുവതി പീഡനത്തിനിരയായിട്ടുണ്ടോയെന്നതിൽ പോസ്​റ്റ്​മോർട്ടത്തിന്​ ശേഷം വ്യക്തത വരുമെന്നും പോലീസ്​ പറഞ്ഞു. ഏതാനും ദിവസമായി പ്രതി പോലീസ്​ നിരീക്ഷണത്തിലായിരുന്നു. കസ്​റ്റഡിയിലെടുത്ത അൻവറിനെ ചോദ്യം ചെയ്തതിലൂടെയാണ് മൃതദേഹം കുഴിച്ചിട്ട സ്ഥലം പോലീസ് മനസ്സിലാക്കിയത്​. തുടർന്ന്​ മണ്ണുമാന്തി യന്ത്രം ഉപയോഗിച്ച് മണ്ണ് നീക്കം ചെയ്​തപ്പോഴാണ്​ മൃതദേഹാവശിഷ്​ടം ലഭിച്ചത്​.

രാത്രിയായതിനാൽ തുടർ നടപടികൾ നിർത്തിവെച്ചു. ബുധനാഴ്ച രാവിലെയോടെ മൃതദേഹം മുഴുവനായി പുറത്തെടുക്കും. പ്രദേശത്ത് പോലീസ് കാവൽ ഏർപ്പെടുത്തി. ജില്ല പോലീസ് മേധാവി സുജിത്ത്​ ദാസ്​, തിരൂർ ഡിവൈ.എസ്.പി കെ.എ. സുരേഷ് ബാബു, വളാഞ്ചേരി എസ്.എച്ച്.ഒ പി.എം. ഷമീർ എന്നിവരുടെ നേതൃത്വത്തിൽ വൻ പോലീസ് സംഘം സ്ഥലത്തെത്തിയിരുന്നു.

Post a Comment

0 Comments