മോട്ടോ ജി 9 പ്ലസില്‍ ഒരു ഹൈബ്രിഡ് ഡ്യുവല്‍ സിം സ്ലോട്ട് (നാനോ) വരുന്നു. ആന്‍ഡ്രോയിഡ് 10 ഓപ്പറേറ്റിംഗ് സിസ്റ്റത്തിലാണ് ഈ ഹാന്‍ഡ്സെറ്റ് പ്രവര്‍ത്തിക്കുന്നത്. 6.8 ഇഞ്ച് ഫുള്‍ എച്ച്ഡി + മാക്സ് വിഷന്‍ എച്ച്ഡിആര്‍ 10 സൂപ്പര്‍ സ്‌ക്രീന്‍ ഡിസ്പ്ലേയാണ് ഈ സ്മാര്‍ട്ട്‌ഫോണിന്റെ മറ്റൊരു സവിശേഷത. 2.2 ജിഗാഹെര്‍ട്സ് ക്വാല്‍കോം സ്നാപ്ഡ്രാഗണ്‍ 730 ജി SoC പ്രോസസറാണ് ഈ ഹാന്‍ഡ്സെറ്റിന് മികച്ച പ്രവര്‍ത്തനക്ഷമത നല്‍കുന്നത്. ഇത് 4 ജിബി റാമും 128 ജിബി ഇന്റേണല്‍ സ്റ്റോറേജുമായി വരുന്നു. കൂടാതെ, സ്റ്റോറേജ് കപ്പാസിറ്റി വര്‍ധിപ്പിക്കുന്നതിനായി മൈക്രോ എസ്ഡി കാര്‍ഡിന്റെ സപ്പോര്‍ട്ടും ലഭിക്കുന്നു.
മോട്ടോ ജി 9 പ്ലസിന് ഒരു ക്വാഡ് ക്യാമറ സെറ്റപ്പ് വരുന്നു. അതില്‍, എഫ് / 1.8 അപ്പേര്‍ച്ചറുള്ള 64 മെഗാപിക്‌സല്‍ പ്രധാന ക്യാമറ, എഫ് / 2.2 അപ്പേര്‍ച്ചറുള്ള 8 മെഗാപിക്‌സല്‍ 118 ഡിഗ്രി അള്‍ട്രാ വൈഡ് ആംഗിള്‍ ഷൂട്ടര്‍, എഫ് / 2.2 അപ്പര്‍ച്ചര്‍ വരുന്ന 2 മെഗാപിക്‌സല്‍ മാക്രോ ക്യാമറ, എഫ് / 2.2 അപ്പര്‍ച്ചര്‍ ഉള്ള 2 മെഗാപിക്‌സല്‍ ഡെപ്ത് സെന്‍സര്‍ എന്നിവ ഉള്‍പ്പെടുന്നു. ഈ സ്മാര്‍ട്ട്‌ഫോണ്‍ പിന്നില്‍ എല്‍ഇഡി ഫ്‌ലാഷ് പിന്തുണ വാഗ്ദാനം ചെയ്യുന്നു. കൂടാതെ, എഫ് / 2.0 അപ്പേര്‍ച്ചറുള്ള 16 മെഗാപിക്‌സല്‍ സെല്‍ഫി ക്യാമറയും ഈ ഹാന്‍ഡ്സെറ്റില്‍ വരുന്നു.
30W ടര്‍ബോപവര്‍ ഫാസ്റ്റ് ചാര്‍ജിംഗ് പിന്തുണയുള്ള 5,000 എംഎഎച്ച് ബാറ്ററിയാണ് മോട്ടോ ജി 9 പ്ലസിന് ലഭിച്ചിരിക്കുന്നത്. കണക്റ്റിവിറ്റി ഓപ്ഷനുകളില്‍ ബ്ലൂടൂത്ത് വി 5, വൈ-ഫൈ 802.11 എസി, ജിപിഎസ്, യുഎസ്ബി ടൈപ്പ്-സി, 3.5 എംഎം ഓഡിയോ ജാക്ക് എന്നിവ ഉള്‍പ്പെടുന്നു. ഒരു വശത്ത് ഘടിപ്പിച്ച ഫിംഗര്‍പ്രിന്റ് സെന്‍സര്‍ ഉണ്ട്.
0 Comments