NEWS UPDATE

6/recent/ticker-posts

മു​സ്‍ലീം ലീ​ഗ് അ​ട​ക്ക​മു​ള്ള പാ​ര്‍​ട്ടി​ക​ളെ നി​രോ​ധി​ക്ക​ണ​മെ​ന്ന ഹ​ര്‍​ജി സു​പ്രീം​കോ​ട​തി ത​ള്ളി

ന്യൂഡൽഹി: മുസ്ലിം ലീ​ഗ്, എഐഎംഐഎം ഉൾപ്പെടെയുളള പാർട്ടികളെ നിരോധിക്കണമെന്നാവശ്യപ്പെട്ടുകൊണ്ടുളള ഹർജി തളളി സുപ്രീംകോടതി. മതപരമായ ചിഹ്നവും പേരും ഉപയോ​ഗിക്കുന്നതിനാൽ ഈ പാർട്ടികളെ നിരോധിക്കണമെന്നായിരുന്നു ഹർജിയിലെ ആവശ്യം.[www.malabarflash.com]

എന്നാൽ സമാന ഹർജി ഡൽഹി ഹൈക്കോടതിയിലുണ്ടെന്ന് എംഐഎമ്മിന്റെ അഭിഭാഷകൻ കെ കെ വേണു​ഗോപാൽ വാദിച്ചു. ഹൈക്കോടതിയിൽ ഹർജി പരി​ഗണനയിലിരിക്കെ സുപ്രീംകോടതിയിൽ കൂടി വരുന്നത് ശരിയല്ല. സാങ്കേതികമായി ഹർജി നിലനിൽക്കില്ലെന്നും കെ കെ വേണു​ഗോപാൽ വാദിച്ചു. തുടർന്ന് ഹർജി പിൻവലിക്കാൻ ഹർജിക്കാരൻ അനുവാ​ദം തേടുകയായിരുന്നു.

ജസ്റ്റിസുമാരായ എംആർ ഷാ, അഹ്‌സനാദുയിൻ അമാനുള്ള എന്നിവരടങ്ങിയ ബെഞ്ച് ആണ് ഹർജി പരിഗണിച്ചത്. ഉത്തർപ്രദേശ് സ്വദേശിയും ഷിയ വ​ഖഫ് ബോർഡ് മുൻ ചെയർമാൻ സൈദ് വസീം റിസ്വി എന്നയാളാണ് ഹർജി നൽകിയിരുന്നത്. 

ചില പാർട്ടികളെ മാത്രമാണ് ഹർജിക്കാരൻ ലക്ഷ്യം വെക്കുന്നതെന്ന് മുസ്ലിം ലീ​ഗ് ഉന്നയിച്ചിരുന്നു. മുസ്ലിം ലീ​ഗ്, ഹിന്ദു ഏകത ദൾ, എഐഎംഐഎം എന്നീ പാർട്ടികളെ മാത്രം കക്ഷിയാക്കാനാണ് ഹർജിക്കാരൻ ശ്രമിക്കുന്നത്. എന്തുകൊണ്ട് ശിവസേന, അകാലിദൾ തുടങ്ങിയ പാർട്ടികളെ കൂടി കക്ഷികളാക്കുന്നില്ല?. ബിജെപി താമര ഉപയോ​ഗിക്കുന്നുണ്ട്. താമര ഹിന്ദു ചിഹ്നമാണെന്ന വാദവും മുസ്ലിം ലീ​ഗ് ഉന്നയിച്ചു.

ചരിത്രപരമായ തീരുമാനമായിട്ടാണ് സുപ്രീംകോടതി വിധിയെ കാണുന്നതെന്ന് മുസ്ലിം ലീ​ഗ് സംസ്ഥാന പ്രസിഡൻ്റ് സാദിഖ് അലി ശിഹാബ് തങ്ങൾ പറഞ്ഞു. മുസ്ലിം ലീഗിന് അതിന്റെ പേരും ചിഹ്നവും ഉപയോഗിക്കുന്നതിന് തടസ്സമില്ല എന്ന വിധി വന്നിരിക്കുകയാണ്. നീതിന്യായ വ്യവസ്ഥയോടുളള വിശ്വാസം വര്‍ധിപ്പിക്കാന്‍ ഈ വിധി ഒരു കാരണമായിരിക്കുന്നുവെന്നും അദ്ദേഹം കൂട്ടിച്ചേർത്തു.

Post a Comment

0 Comments