കഴിഞ്ഞ വര്‍ഷം മലപ്പുറം മണപ്പുറം ബാങ്കില്‍ മുക്കുപണ്ടം പണയംവച്ച് ഒന്നര ലക്ഷം രൂപ തട്ടിയ കേസിലും മലപ്പുറം സൂര്യാ ഫൈനാന്‍സില്‍ നിന്നും മുക്കുപണ്ടം വച്ച് 6.5 ലക്ഷം രൂപ തട്ടിയ കേസിലുമാണ് അറസ്റ്റ്. സംഘത്തലവന്‍ മുനീറിന് പത്തോളം കേസും മണികണ്ഠന് മുപ്പതോളം കേസും യൂസഫിന് മൂന്നുകേസും നിലവിലുണ്ട്.
പണയം വച്ച് കിട്ടിയ പണം വീണ്ടും മുക്കുപണ്ടം നിര്‍മിക്കാന്‍ മണികണ്ഠന് അഡ്വാന്‍സ് നല്‍കിരുന്നു. 50 പവന്‍ നിര്‍മിക്കാന്‍ അഡ്വാന്‍സ് നല്‍കിയ രണ്ട് ലക്ഷം രൂപ ഉള്‍പ്പെടെ മൂന്നുലക്ഷം രൂപയോളം അന്വേഷണസംഘം പ്രതികളില്‍ നിന്ന് കണ്ടെത്തി.
മുക്കുപണ്ടം പണയം വച്ച് പണം തട്ടുന്ന മാഫിയകളെ കണ്ടെത്താന്‍ മലപ്പുറം ജില്ലാ പോലിസ് മേധാവി സുജിത് ദാസ് ഐപിഎസ് നല്‍കിയ നിര്‍ദേശത്തെ തുടര്‍ന്ന് മലപ്പുറം ഡിവൈഎസ്പി പി എം പ്രദീപിന്റെ മേല്‍നോട്ടത്തില്‍ മലപ്പുറം ഇന്‍സ്‌പെക്ടര്‍ ജോബി തോമസിന്റെ നേതൃത്വത്തില്‍ എസ്‌ഐമാരായ അമീറലി, ഗിരീഷ്, എഎസ്‌ഐ സിയാദ് കോട്ട, പ്രത്യേക അന്വേഷണസംഘാംഗങ്ങളായ ആര്‍ ഷഹേഷ്, ഐ കെ ദിനേഷ്, പി സലിം, കെ ജസീര്‍ എന്നിവരടങ്ങിയ സംഘമാണ് പ്രതികളെ പിടികൂടിയത്.
0 Comments