അമേരിക്കയിൽ മിസ് ടീൻ ഇന്ത്യ കിരീടം മലയാളി പെൺകുട്ടിക്ക്

ന്യൂയോർക്ക്​: മിസ്​ ഇന്ത്യ വേൾഡ്​ വൈഡ്​ എന്ന ​​ഗ്ലോബൽ സംഘടന അമേരിക്കയിലെ ന്യൂ ജഴ്​സിയിൽ സംഘടിപ്പിച്ച ഇന്ത്യ ഫെസ്​റ്റിവൽ മിസ്​ ടീൻ ഇന്ത്യ മത്സരത്തിൽ മലയാളി പെൺകുട്ടിക്ക്​ കിരീടം. മിഷിഗണിൽ താമസിക്കുന്ന കോഴിക്കോട്​ നാദാപുരം സ്വദേശി നവ്യ പൈങ്ങോലാണ്​ കിരീടം ചൂടിയത്​.[www.malabarflash.com]

ന്യൂയോർക്ക്​ ആസ്​ഥാനമായ സംഘടന 30 വർഷമായി സംഘടിപ്പിക്കുന്ന പരിപാടിയിൽ ആദ്യമായാണ്​ ഒരു മലയാളി ഒന്നാമതെത്തുന്നത്​​. ബോളിവുഡ്​ താരം പല്ലവി ഷർദ, ഇന്ത്യൻ ടെലിവിഷൻ താരം ഉപേക്ഷ ജയിൻ, നിരുപമ ആനന്ദ്​, ശാരിക സുഖദൊ തുടങ്ങിയവരാണ്​ മുൻകാലങ്ങളിൽ ഈ നേട്ടം സ്വന്തമാക്കിയ പ്രമുഖർ.

വാണിമേൽ സ്വദേശി സുനിൽ പൈങ്ങോലി​ന്‍റെയും ചാനൽ അവതാരകയും നർത്തകിയുമായ ഷോളി നായരുടെയും മകളാണ്​. ഗായികയും നർത്തകിയുമായ നവ്യ മിഷിഗൺ സർവകലാശാലയിലെ​ എം.ബി.ബി.എസ്​ വിദ്യാർഥിയാണ്.