കഴിഞ്ഞ വര്‍ഷം ഒക്ടോബര്‍ 19 നാണ് ഇദ്ദേഹം എയര്‍പോര്‍ട്ടില്‍ എത്തിയത്. പിന്നീട് ഇവിടത്തെ സെക്യൂരിറ്റി സോണില്‍ ഒളിച്ചു കഴിയുകയായിരുന്നു ഇദ്ദേഹം. എയര്‍പോര്‍ട്ടിലെ ഒരു ഓപ്പറേഷന്‍ മാനേജരുടെ ഐഡി കാര്‍ഡ് കൈവശപ്പെടുത്തിയാണ് ഇദ്ദേഹം ഇത്രയും നാള്‍ ഇവിടെ കഴിഞ്ഞത്. ഐഡി കാര്‍ഡ് ഒക്ടോബര്‍ മാസം മുതല്‍ കാണാനില്ലായിരുന്നെന്നാണ് ഈ ഓപ്പറേഷന്‍ മാനേജര്‍ പറയുന്നത്.
ചിക്കാഗോ ട്രിബ്യൂണിന്റെ റിപ്പോര്‍ട്ട് പ്രകാരം കോവിഡ് മൂലം വീട്ടില്‍ പോവാന്‍ ഭയമായിരുന്നതിനാലാണ് വീട്ടില്‍ പോവാഞ്ഞതെന്നാണ് ഉദയ് സിംഗ് അഭിഭാഷകരോട് പറഞ്ഞത്. ഉദയ് സിംഗിന്റെ ജാമ്യാപേക്ഷ പരിഗണിക്കവെ ജഡ്ജ് ആശ്ചര്യപ്പെടുകയാണുണ്ടായത്. എങ്ങനെയാണ് മൂന്ന് മാസം ജീവനക്കാരനല്ലാത്ത ഒരാള്‍ക്ക് എയര്‍പോര്‍ട്ടില്‍ ഒളിച്ചു കഴിയാനായതെന്ന് ഹരജി പരിഗണിക്കവെ കോടതി ചോദിച്ചു. ക്രിമിനന്‍ പശ്ചാത്തലമൊന്നുമില്ലാത്ത ഉദയ് സിംഗിന് കോടതി ജാമ്യം അനുവദിക്കുകയും ചെയ്തു.
Post a Comment