മുട്ടക്കറി ഉണ്ടാക്കിയില്ല; വിരുന്നിനെത്തിയയാള്‍ സുഹൃത്തിനെ അടിച്ചു കൊന്നു

നാഗ്പൂര്‍: വിരുന്നിന് വിളിച്ച സുഹൃത്തിനെ മുട്ടക്കറി ഉണ്ടാക്കി നല്‍കാത്തതിനെ തുടര്‍ന്ന് തലക്കടിച്ച് കൊന്നു. മഹാരാഷ്ട്രയിലെ നാഗ്പൂരിലെ മങ്കാപൂരിലാണ് സംഭവമെന്ന് വാര്‍ത്താ ഏജന്‍സിയായ പി.ടി.ഐ റിപ്പോര്‍ട്ട് ചെയ്യുന്നു.[www.malabarflash.com]

40കാരനായ ബനാറസി എന്നയാളുടെ മൃതദേഹമാണ് തലക്ക് പരിക്കേറ്റ നിലയില്‍ കണ്ടെത്തിയത്. സംഭവത്തില്‍ ബനാറസിയുടെ സുഹൃത്ത് ഗൗരവ് ഗെയ്ക്ക് വാദ് എന്നയാള്‍ അറസ്റ്റിലായി.

മങ്കാപൂര്‍ പോലീസ് പറയുന്നതിങ്ങനെ: വെള്ളിയാഴ്ച ബനാറസി ഗൗരവ് ഗെയ്ക്ക് വാദിനെ ഡിന്നറിന് ക്ഷണിച്ചു. ഇരുവരും രാത്രി മുഴുവന്‍ മദ്യപിച്ചു. അതിനിടെയാണ് മുട്ടക്കറി ഉണ്ടാക്കി നല്‍കിയില്ലെന്ന് പറഞ്ഞ് ഗൗരവ് സുഹൃത്തുമായി തര്‍ക്കം തുടങ്ങി. ഒടുവില്‍ ഇരുമ്പ് വടി ഉപയോഗിച്ച് ബനാറസിയെ അടിച്ചു കൊല്ലുകയായിരുന്നു.